کال تیر شو، خو خاطرې به يې ډيرو له ځان سره وړي وي، چابه ددغه کال ترخې خاطرې استرالیا او چیک ته وړي وي، چابه دغه له غم څخه ډکي خاطرې ګور ته له ځان سره وړي وي او دچابه اوس هم ددغو خاطرو پېټی په زړه بار وي.
۲۰۱۳ کال دافغان ولس دبریاوو څخه ډک کال وو، دا یو داسي کال وو، چي داشغال ملايې ورماته کړه، دصليب زامن او دهغوی غلامان يې نهيلي کړل او په دې يې پوه کړل، چي په افغانستان کي اشغالګر دراتلونکي خوب نه شي لیدلای، ځنګه چي اوس مهال په افغانستان کي دافغان مجاهد ولس له لوري له صليبیانو او دهغوی له اخيستل شویو تالۍ څټوسره جګړه روانه ده، نوځکه دجګړې په ډګر کي بریا دافغانستان راتلونکی ټاکي او ۲۰۱۳ کال دافغان مجاهدولس دبریاوو کال وو، داسي بریاوي، چي خپله دښمن هم اعترافات پرې کړي دي، موږ دهمدې کال ځيني مهمي پيښي را اخلو، څنګه چي دمهمو او سترو پيښو شمېر سلګونو ته رسیږي، نو ځکه مو په(موشت نمونهء خروار) اکتفاکړي ده، لومړی به په ۲۰۱۳ کال کي په خپله ماته ددښمن اعترافات راواخلو:
دبريتانیا مشهوري ورځپاڼي انډيپينډينټ په یوه راپور کي د۲۰۱۳ کال داپريل په میاشت کي وویل، هره میاشت دافغان عسکرو له ليکوڅخه ۵۰۰۰ زره تنه تښتي.
د۲۰۱۳ کال دنومبر په ۶ نيټه دامریکاددفاع وزارت ويلي وو، دتیر کال په پرتله سږ کال دافغان پوځ او پولیسو تلفات ۸۰ سلنه زیات شوي دي.
د۲۰۱۳ کال په جولای کي دبريتانوي پوځیانو پخواني لوی درستيزجنرال ريچارډ له بريتانوي رسنۍ ټليګراف اونيزي سره په مرکه کي وویل، انګليس پوځ دطالبانو ځواک ته په کمه سترګه کتلي وو،دغه جنرال په ۲۰۰۶ کال کي هلمند ولایت ته دبريتانوي پوځونو لیږل دمچيو ځالي ته له ننوتلو سره تشبيه کړل.
دجولای په لمړۍ نيټه دکرزي دادارې دکورنیو چارو وزارت اعتراف وکړ، چي په تیره میاشت کي دافغان عسکرو تلفات دتير په پرتله ۲۰ سلنه ډیر شوي دي.
د۲۰۱۳ کال په اوږدو کي سره له دې چي دعسکرو له ليکوڅخه په زرګونو کسان تيښتيدلي دي، ولي په زرګونو کسان مجاهدینو ته تسلیم او له هغوی سره یوځای شوي هم دي، چي موږ به یوازي په درې څلورو میاشتو کي له مجاهدینو سره دیوځای شویو عسکرو یادونه وکړو:
د۲۰۱۳ کال داکتوبر په میاشت کي دافغانستان له لر اوبر څخه ۵۰۵ تنه پوځیان،عسکر او اربکیان له طالبانو سره یوځای شول.
د۲۰۱۳ کال دنومبر په میاشت کي هم دتیرو میاشتو په څير ۵۹۲ دملي اردو سرتيري،پولیس او اربکیان له طالبانو سره یوځای شول.
په سپټمبر کي ۸۷۸ پوځيان، پولیس او اربکیان له خپلو لیکو راووتل او له طالبانو سره یوځای شول.
داګسټ په میاشت کي ۷۶۷ دولتي مامورین دطالبانو لیکوته ورغلل.
دهغو عسکرو او پولیسو چي له خپلو لیکوڅخه تښتيدلي دي، حساب يې ښايي خپله دکرزی اداره هم ونه شي کړای.
استشهادي بریدونه
په ۲۰۱۳ کال کي دافغانستان په ګوټ ګوټ کي ستر ډله ييز استشهادي بریدونه ترسره شول، چي دښمن ته يې سخت ځاني او مالي زیانونه ور واړول، موږ به دبيلګي په توګه ديوڅو سترو بریدونو یادونه وکړو:
د۲۰۱۳ دجون په ۲۵ سهار وختي ۸ تنو فدایانو په ارګ، اریاناهوټل چیرته چي دامریکا دسي آی اې مامورین اوسیږي او په دفاع وزارت بریدونه وکړل، دغه برید ډیر بریالی او دحيرانتا خبره يې داوه، چي فدایانو وکولای شول، چي له ټولو خنډونو تیر او دارګ ختيځي دروازې ته ځان ورسوي.
د۲۰۱۳ کال دجون په ۱۱ دامریکا سفارت ته نږدې دستري محکمې په قاضیانو او کارکونکو ستر موټر بم برید وشو، چي تر۵۰ زیاتو کسانو ته يې مرګ ژوبله واړوله.
د۲۰۱۳ کال داګسټ په ۲۶ دشمالي ولایت کاپيسا په یوه ستر مرکز لومړی موټر بم اوبیادفدایانو له لوري ډله ييز بریدترسره شو، چي له سوساعته جګړې وروسته مرکز په بشپړه توګه تخریب شو.
د۲۰۱۳-۹-۲۰ کي خپله دکرزي ادارې په یوه بیان کي وویل، دبدخشان په وردوج ولسوالۍ کي يې دیوه کمین په ترڅ کي ۱۸ پولیس وژل شوي او ۱۳نور یې ټپیان شوي دي، دغه ولسوالۍ په ۲۰۱۳ کال کي دافغان عسکرو لپاره دهدیرې په ډول ثابته شوه او سختي ماتي یې پکي وخوړې، درښتونو ارقاموله مخي په دغه ولسوالۍ کي په ۲۰۱۳ کال کي په سلګونو عسکر ټپیان او ووژل شول.
۲۰۱۳-۱۲-۲ دوردګو په نرخ ولسوالۍ کي یوه ستر موټر بم برید ولسوالۍ، قومندانۍ او نورو دولتي ودانيو ته سخت زیان واړاوو او لسګونه عسکر يې ووژل.
د۲۰۱۳ کال دجون په ۱۰دکابل هوايي ډګر ته فدایان ننوتل او له ناټو پوځونو سره يې سخته جګړه وکړه، دهغوی په وژلو برسېره يې ګڼي الوتکي هم له منځه يووړلې او سخت تاوانونه يې ورته واوړول.
د۲۰۱۳ کال دمئی په ۲۹ دپنجشير په ولایت مقام او امنیه قومندانۍ فدایانو برید وکړ او په دې وتوانيدل، چي ولایت مقام او امنيه قومندانۍ ته ننوځي، چي خورا زیات مالي او ځاني زیانونه يې ور واړول.
د۲۰۱۳ کال دمئی په ۲۴ دکابل په زړه کي دامریکایانو داستخباراتو په یوه مرکز فدایانو برید وکړ، چي په لسګونو کسان يې ووژل، د۲۰۱۳ کال داپريل په ۳ دفراه په ولایت مقام او دايستيناف په محکمې ډله ييز اتلوال بريد ترسره شو، چي تر۷۰ډيرو دکرزی ادارې منسوبینو قاضیانو، او امنیتي کسانو ته پکي مرګ ژوبله واوښتله.
د۲۰۱۳ کال دجنورۍ په ۲۱ دکابل ددهمزنګ په سیمه کي دپولیسو په اکېډمۍ او دبهرنیو روزونکوپه مرکز ډله ييز برید وشو، چي تر۹ساعتونو پوري جګړه روانه وه او لسګونه کسان پکي ووژل شول.
دهمدې کال دسپټمبرمیاشتي په ۱۳ نيټه په هرات ولایت کي دامریکا په کونسلګرۍ لومړی موټر بم برید وشو، چي لومړني خنډونه يې له منځه يووړل، بیابل موټر بم برید دکونسلګرۍ دننه ترسره شو، چي وروسته فدایان وردننه شول او جګړه پيل شوه، په دغه جګړه کي دکونسلګرۍ دکارکونکوپه ګډون لسګونه عسکر ټپیان او ووژل شول.
دهمدې میاشتي په ۲ نيټه په تورخم کي دبهرنیانو داکمالاتي توکوپه تمځای ډله ييز برید ترسره شو، چي دسر په زیان برسېره يې تر۲۰۰ زیات پوځي ګاډي او وسائل تخريب کړل،دهمدې کال د ډسمبر په ۱۸ نيټه هم په تورخم کي دامریکایانو داکمالاتوپه تمځای ډله ييز استشهادي برید وشو، چي تر۱۰۰ ډیر پوځي ګاډي يې تخریب شول.
داګسټ په ۲۸ دغزني په ولایت کي دپولنډیانو او امریکایانو په ستر مرکز ډله یيز اتلوال برید ترسره شو،چي یوازي دغزني روغتون ته د ۹۸ مړو جسدونه ور وړل شوي وو او په همدې اندازه بهرنیان هم ووژل شول، ګڼي الوتکي يې تخريب شوې په دغه برید کي دناټو الوتکو له ډيري وارخطايي څخه خپله په پولیسو هم بمباري کړي وه.
داګسټ په میاشت کي دحصارک او ازري ولسوالیو کي حکومت ډیره سخته ماته وخوړه او پیل کړي عملیات يې له ناکامي سره مخ شول، چي وروسته دوی خپله هم اعتراف پرې وکړ.
دجولای په ۲ نيټه په کابل کي دامریکایانو داکمالاتوپه مرکز موټر بم او ډله ييز برید ترسره شو، چي لسګونه بهرني او داخلي عسکر او کارکونکي پکي ووژل شول او مرکز ته سخت زیان واوښت.
په ۲۰۱۳کال کي دډيويډ پيټرائيس داربکيزم ماشین چي اربکیان به یې توليدول، هم له کاره ولیدو، اربکیان لکه فارمي چرګان ساوي يې په مريو کي وې، دوی چي د۲۰۱۳ کال په لومړیو کي خورا په شرشور سحنې ته راووتل، ولي کال پرې تیر نه شو، چي قوت يې ختم او ورپوري تړلي ټولي هيلي له خاورو سره خاوري شوې.
ټولي پيښي نه را اخيستل کیږي، نوځکه دګوتو په شمار دڅوسيمویادونه کوو:دشمال په ولايتونو کي دکندوز زیاتره ولسوالۍ د۲۰۱۳ کال په اوږدو کي طالبانو ترخپلي بشپړي ولکې لاندي راوستلې، چي غوره مثال يې دارچې او امام صاحب ولسوالۍ دي، له بله پلوه دسپټمر په میاشت کي دسرپل دکوهستاناتو ولسوالۍ هم له اربکیانو خلاصه شوه،په همدې میاشت دفاریاب په قيصار او چهلګزي ولسوالیو کي هم داربکیانو ټغر ټول شو.
په مرکزي ولایتونوکي به یوازي غزنی راواخلو، چي دکرزي داداري دهيلو مرکز وو، ولي د۲۰۱۳ کال په اوږدو کي ددغه ولایت اربکیان دومره ضعيف شول، چي له نیست سره برابر شول، سیمي ټولي مجاهدینو ورڅخه ونیولې او دوی يې لکه دملي اردو اوپولیسو ترخپلو مرکزونوپوري محدود کړل.
په جنوبي ولایتونوکي هم داربکیانو پروسه له ناکامي سره مخ شوه، موږ به دلته یوازي یو مثال وړاندي کړو، چي دهلمند ولایت دسنګين ولسوالۍ ده، چي اوس مجاهدین پکي بشپړ حاکمیت لري،اربکیان ځیني تسليم، بعضي يې ووژل شول اوهغه چي پاته دي، هغوی ترخپلو مرکزونو پوري تړلي دي.
۲۰۱۳ کال ددښمن دلوړ پوړو چارواکو له وژلو څخه هم خالي نه وو، بلکه دلوړي او منځنۍ کچي په لسګونه مشران يې ووژل شول، چي موږ يې یومحدود شمېر را اخلو:
د۲۰۱۳ کال داپريل په ۲۸ دغزني ولایت دامنیت امير په یوه بمي چاودنه کي ووژل شو،دهمدې کال په همدې میاشت کي دجانيخيلو ولسوالۍ ظالم امنیه قومندان سادول چي شخصي زندان يې هم درلود په یوه فدايي برید کي ووژل شو، چي ورسره سیمه ټوله ارامه شوه، د۲۰۱۳ کال دمارچ په میاشت کي دتخار ولایت دداشکمش ولسوال په یوه بمي چاودنه کي له منځه ولاړ.
۲۰۱۳-۹-۱۸ کي دکندوز دانتخاباتو دکميسيون دساحوي دفتر رئيس امان الله امان ووژل شو، د۲۰۱۳ کال دمئی په ۲۰ دبغلان دولايتي شورا رئيس په یوه اتلوال برید کي له منځه ولاړ.
د۲۰۱۳ کال په مئی کي دنورستان ولايت دملي امنیت درئيس معاون هم ختم شو.
دبادغیس دولایتي شورا پخوانی غړی د۲۰۱۳ داکتوبر په ۲۱ نیټه ووژل شو، دهلمند ولایت دګرم سير ښاروال او دهغه مرستیال په یوه وسله وال بريد کي د۲۰۱۳ کال داکتوبر په ۴ نيټه وژل شوي دي، دهمدې کال اوهمدې میاشتي په ۱ نيټه دکونړولایت دملي امنیت یو څارنوال هم ووژل شو.
د۲۰۱۳ کال دسپټمر په ۲۶ په کابل کي ملي شورا ته کانديد صوفی زمری له منځه ولاړ، په همدې ورځ داسماعيل خيلو او مندوزیو دملي امنیت مشر محبت شاه هم ختم شو.
دکندوز دچاردرې ولسوالۍ داستخباراتو مدير د۲۰۱۳ کال دسپټمبر په ۲۳ ووژل شو.
داګسټ په ۳۰ دارچې ولسوال شيخ صدرالدین د۸ تنو منصوبینو په ګډون ووژل شو، نوموړی یوډیر ظالم ولسوال وو.
دجولای په ۱۴ نيټه دکونړ دولایت مقام اجرائيه مدير ووژل شو.
د۲۰۱۳ کال دجولای په میاشت کي په یوه چاودنه کي دغزني ولایت ددهیک اوزنخان ولسوالان او ددې ولایت دسولي دعالی شورا رئيس ټپیان شول، چي وروسته دواړو ولسوالانو دژورو ټپونو له امله په روغتون کي ساه ورکړه.
ددښمن رانسکورې شوې الوتکې
په ۲۰۱۳ کال کي دبهرنیانو او دهغوی دلاس پوڅو لسګونه الوتکي او چورلکي نسکوري کړای شوې، چي موږ يې یوازي ديوې نمونې يادونه کوو:
د۲۰۱۳ په جون میاشت کي دلغمان ولایت په قرغیو ولسوالۍ کي دطالبانو له لوري يوه چورلکه رانسکوره شوه او داور خوراک شوه، د۲۰۱۳ کال دجون په ۵ په سنګین کي هم یوه چورلکه رانسکوره کړای شوه، چي ټول سپاره کسان پکي داور خوراک شول، دهمدې کال په مارچ میاشت کي ناټو ومنله، چي ددوی یوه چورلکه دافغانستان په جنوب کي رانسکوره شوي او ۵ تنه پوځیان يې پکي وژل شوي د۲۰۱۳کال په وروستۍ میاشت کي هم یوه چورلکه په زابل ولایت کي وويشتل شوه او رانسکوره شوه، چي ناټودخپلو ۶تنو عسکرو وژل پکي تائید کړل.
داشغالګرو ځواکونو تېښته
همداراز د۲۰۱۳ کال په برکت ډیرو اشغالګرو خپلي پښې سپکي کړې او شرميدلي له افغانستان څخه ووتل، موږ به يوازي دهغوی یوه اودوه نموني ذکر کړو:
د۲۰۱۳ کال داکتوبر په مياشت کي دچيک هیواد يرغلګر ځواکونه له افغانستان څخه په بشپړه توګه ووتل، دهمدې کال دنومبر میاشتي په ۱۶ نيټه د استرالیاددفاع وزارت په یوه بیان کي وویل، دوی له افغانستان څخه خپل ټول پوځونه ايستلي دي.
د۲۰۱۳ کال سترو پيښو ته په کتلو سره باید بهرني اشغالګر زموږ له ګران هیواد څخه ووځي او له دغو پيښو عبرت واخلي،خو بهرنیان بايد دغه فکر ونه کړي، چي دامنیتي تړون لاسلیک به ددوی دوام تضمين کړي، ځکه په ۲۰۱۴ کال کي به بهرني اشغالګر اوددوی لاس پوڅي لا له زیاتو بریدونو او رسوايي سره مخ شي، انشاءالله.
موسی مهاجر
استشهاد ته سلام
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار
وب سایت:
آمار مطالب
آمار بازدید