' عَنْ اَبِي اُمَامَةَ رضي الله تعالی عنه عَنِ النَّبِي صلي الله عليه وسلم اَنَّه يقُوْلُ مَااسْتَفَادَالْمُؤمِنُ بَعْدَتَقْوَي اللهِ خَيْرًالَّه مِنْ زَوْجَةٍ صَالِحَةٍ اِنْ اَمَرَهَااَطَاعَتْهُ وَاِنْ نَّظَرَاِلَيْهَاسَرَّتْهُ وَاِنْ اَقْسَمَ عَلَيهَااَبَرَّتْهُ وَاِنْ غَابَ عَنْهَانَصَحَتْهُ فِي نَفْسِهَا وَمَالِهِ ۔

(ابن ماجة ص133 مشکوة ص 268 )



ژباړه:دحضرت ابوامامة رضي الله تعالی عنه څخه روايت دی چي رسول الله صلي الله تعالی عليه وسلم ارشاد وفرمايه چي مؤمن بنده دتقوی دنعمت څخه وروسته څه داسي نيکي حاصله نه کړه چي ترنيکه اوصالحه مېرمن زياته وي ( هغه داده) که چيري خاوند امر ورته وکړي نوهغه پوره کړي،اوکه چيري خاوند دهغي طرفته وګوري نوهغه خوشحاله کړي،اوکه چيري خاوندديوکارپه باره کي قسم ورکړي نوهغه پوره کړي،اوکه چيري هغه يوځای ته لاړشي نودادخپل ځان اودهغه په مال کي دخير معامله کوي ۔

تشريح: په دي حديث مبارک کي يې دتقوی ترنعمت وروسته دسړي دپاره نېکه ښځه بيان کړي ده۔ واقعتاً که متقي اوپرهيزګاره سړي ته نېکه مېرمن په برخه شي نونورٌعلي نور"، ژوندبه دجنت په شان جوړشي،دنېکې بي بي څونښې بيان کړل شوې دي۔

(۱) چي خاوندته وګوري نوخوشحاله يې کړي دنېکي مېرمنې داډېره ستره نښه ده،ددې مطلب دادی چي ښځه خپل ځان ښائسته کوي اوزيب وزينت دخاوند دخوښې سره سم کوي،چي وېي ويني نودهغه زړۀ خوشحاله شي ،په ورين تندي اوخوشحالي سره خاوندته مخامخ کيږي،داسي نه وي چي خاونديې کورته راشي نودامخ تريوکړي،اويادتکليف اظهاروکړي اوهغه پرېشانه کړي،اونه داسي چي خيرنه،چټله اوګنده ګرزي خاوندچي ورته وګوري نودهغه زړۀ خفه شي اونورې ښې ښايسته جامې اودصفائي سامان يې ساتلی وي،اوداچټله ګرزي چي خاوند ورته وګوري نومخ ځني اړوي چي څنګه بده ښکاري،بهرپرنوروښځوباندي چي کله دهغه نظرلګيږي نودافکرکوي چي زموږ په کورکي هم دصفايي اوزيب وزينت خيال په کاردي، ليکن کله چي داښځه دباندي ولاړه شي واده، يا کومې خوښۍ ياخپلوانو ته ځي نوښه ځان سينګارکړي اوترټولوښې جامې واغوندي،داددې دپاره چي نوروخلګوته خپل ځان ښکاره کړي۔

واورئ : چي دښځي دپاره تر ودېدومخکي سنګاراوزيب وزينت صحيح نه دی، ليکن تر واده وروسته صحيح دی اوهغه هم دخپل خاوندلپاره نه دپرديواوغيرمحرمودپاره،دادګناه کاردی، داسي ښځوته په يوه حديث کي زناکاره ويل شوې ده،ځکه چي دالږترلږه خلګوته دسترګو او زړۀ دزنابلنه ورکوي،اوخلګ خپل طرفته مائل کوي،لږترلږه دافکر خوبه هرو مروکوي چي يوه ښځه اويايوسړی مې وويني،نوحيران به شي اوزماستاينه به بل ځای وکړي،داڅومره بده خبره ده اودعفت،حيااوشرافت خلاف کاردی،ښځه بايدپه زينت اوسنګارسره خاوند خوشحاله کړي نه بل څوک۔

(۲) دخاوند په غياب کي دځان اومال دښېګڼې مطلب دادی چي ښځه آزاده نه ګرځي،اودپرديوخلګوسره اړيکي نه پيداکوي،ځيني ښځې ليدل شوې دي چي دخاوند په نه غياب کي دوئ بې پردې ګرځي اودبېګانه خلګوسره په خبروکي شرم نه محسوسوي،اودمال دښېګڼې مطلب دادی چي بې ځايه په اسراف سره مال نه خرڅوي،اودکورهرسامان په حفاظت سره استعمالوي،همدارنګه چي کوموخلګوته يې دخاوندپه شتوالي کي مال اوسامان نه ورکاوه نودهغه په غياب کي به يې هم نه ورکوي،نه خپلوانوته اونه نوروته۔