دکابل دګوډاګۍ ادارې او امریکا ترمنځ دفاعي ( امنیتي) معاهدې یوازي امریکايي ملنډي او تمسخردی ، ځکه اصل دفاعي تړون له داسي کیفیته برخوردار وي : دواړه لوري مستقل او خپلواک وي ، یو دبل پرخاوره تیريګر نه وي ، تړون صادقانه وي ، یو دبل متقابل احترام لري ، یو دبل په کورنیوچارو کې متداخل نه وي ، د تړون پر فسخ کولوکې دواړه لوري خپلواک وي ، داحتمالي خطر یا یرغل ددفاع لپاره تړون وکړي . دکرزي او امریکايي تړون په پورتنیو شرایطوکې یوهم وجود نه لري کرزی غلام او امریکا يي بادارده ، نوخپلواکي نشته ، کرزی له هغه لوري سره تړون ته مجبور کړای شوی دی چې هغه فعلا او عملا د افغانستان پر خاوره قابض ده او تیر دوولس کلونه دافغانانو په قتل عام بوخت دی ، بې ساري ملنډي خو بیا دادي چې عملي یرغلګر داحتمالي یرغلګر ددفاع لپاره تړون کوي ، که څوک سترګي پټي نکړي نو داخبره ښکاره ده دافغانستان پر حریم باندي دافغانستان دګاونډیو هیوادونو لخوا داحتمالي یرغل احتمال هم نشته ، روسيې دافغانستان په لیباټري کې خپل زور کتلی دی ، ایران او پاکستان ترسترګو لاندي هرڅه تیرشوې دي هيڅکله به هم افغانستان ته زړه ونه غږوي ، نښي او نښانې يي له ورایه ښکاره دي چې دا تړون د امریکا غوښتنه ده او دهغو فرمایش دی نه دکرزي او دده ګوډاګۍ ادارې ځکه ددې تړون درامنځ ته کیدو لپاره امریکا لیواله وه ، د وړو لیوان امریکا جوړ کړه چې دغه ده پاکستان اوس تاسي خوري ژرکوئ لوجرګه را وغواړئ تړون لاسلیک کړئ ، په افغانستان کې دامریکا سفیر په ډاګه وویل که افغانان دا تړون امضاء نکړي نو غربي نړۍ به خپلي مرستي ودروي ، د تړون ګټي به امریکا تر لاسه کړي خپل حضور به سمدلاسه قانوني کړي دملي خیانت تور داغ به دکرزي او کرایه شوې جرګې دغړو په سینه باندي دتاریخ په اوږدو کې ټومبلی وي . دا ملنډي نه دي نوڅه دي امریکا او کرزي دکوچنیو هلکانو دکور کورکې غوندي تصویرونه خیالونه جوړوي هوښیاران پرې خطا باسي ، له داسي کړو وړو څخه خپله ددوی د عقل تخفیف څرګنده ، له عملي یرغلګر سره داحتمالي یرغل پخلاف تړون لاسلیکول څه معنی او څه حیثیت لري ، په ټول تاریخ کې هم په نړۍ کې ددې ډرامې مثال څوک وړاندي کولای شي . دټولي نړۍ له پوهانو پوښتنه کوم چې دا تړون به څومره صادقانه وي که څنګه ؟ . دټولي نړۍ له پوهانو پوښتنه کوم چې امریکا دافغانستان په داخلي چارو کې مداخل نه دی که څنګه ؟ دټولي نړۍ له پوهانو پوښتنه کوم چې امریکا دافغانستان ټولي خپلواکۍ یرغمل کړي نه دي که څنګه ؟ دټولي نړۍ له پوهانو پوښتنه کوم چې امریکا ددې تړون په مټ خپل یرغل ته قانوني بڼه ورکول مطلب نه دي که څنګه ؟ دټولي نړۍ له پوهانو پوښتنه کوم چې امریکا د افغانستان مسلمان هیواد څومره احترام لري که څنګه ؟ دټولي نړۍ له پوهانو پوښتنه کوم چې کرزی یا دهغه اداره ددې تړون پر بیا فسخ کولو واک لري که څنګه ؟ که کابل سوال ګره اداره چې کوم پیغامونه او ویناوي په میډیا خپروي ټول ددې خبري اثبات کوي چې دوی دخدای پرځای پر ملعوني امریکا ځان سپاري ، او دلوی خدای داتکاء پرځای پر ملعونو کافرانو اتکاء لري ، ددوی دا خیال ده چې زموږ د ټولو چارو سمبالونکې ملعونه کفري نړۍ ده . او موږ افغان مسلمان مظلوم اولس لوی خدای ته ځان ، هیواد ، دین ، عقیده ، او ټولي چاري سپارلې دي ځکه په حقیقت کې هغه دټول چارو سمبالونکی ، ساتونکی او څارونکی دی ، او دلوی خدای په وړاندي د انسي اوجني شیطانانو دسېسې ضعیفه او کمزورې دي . والله غالب علی امره ، الاسلام یعلو ولایعلی علیه

افغانستان