تیره ورځ د کابل ادارې د غزني ولايت د شلګر ولسوالۍ اړوند مزدورانو رسنيو ته غلط راپورونه ورکړل او ادعا وکړه چې ګنې دوي د شلګر ولسوالۍ په ناني او بسانه سیمو کې په جګړه کې ۱۷ مجاهدین شهيدان او ۶ ټپيان کړي دي.

موږ دغه له واقعيته لرې خبر په کلکه ردوو، تیره ورځ دمجاهدینو لخوا د شلګر په ناني او بسانه سیمو کې په دښمن د کمين دوه بريدونه شوي وو چې له امله يې په ناني کې ۲ عسکر او په بسانه سیمه کې ۳ تنه سپيشل فورس عسکر قتل او ۲ ټپيان شول.

ددغو جګړو په تعقيب بزدله دښمن له امریکايانونه د هوايي مرستې او بمبار غوښتنې ته اړ شو، الوتکو هم د ناني او بسانې د سيمو په ونو او باغونو باندې ړانده بمونه وغورځول چې الحمدلله هيڅ ځاني زیان یي نه لاره، خو دخلکو باغونه او کښتونه يي زيانمن کړل.

ماتې خوړلی دښمن هڅه کوي چې د دروغو لاپورونو په ورکولو سره هيوادوالوته تشويش پيدا کړي او د خپلو وروستيو درنو او وارخطا کونکو تلفاتو نه دخلکو ذهنيت په بله واړوي.

ذبیح الله مجاهد د اسلامي امارت ويندوی

۱۴۳۵/۴/۲۵هـ ق

۱۳۹۲/۱۲/۶هـ ش ــ 2014/2/25م