نن ماسپښین دهلمند دسنګین دسیدول کاریز په بابا فقیر سیمه کي دکرزي دادارې ظالمو او جنایت کارو عسکرو دیادې سیمې یو تن اوسیدونکی (ولیجان چي د رؤف ماما زوی ) په ډیر وحشت او ظلم شهید کړی. دسیمې خلګو ویلي ولیجان یو عام کس وو چې په خپله محله کې دخپل کور په شخصي کارونو او روزګار مصروف وو.

دهلمند ولایت ګوډاګیو امنیتي چارواکو ادعا کړې چې ګواګي ولیجان طالبانو یو لوړ پوړي قومندان وو.

په سیمه کې عیني شاهدانو ویلي وحشي عسکرولومړی ولیجان په ډیر ظلم شهید کړ وروسته یې ترې کالي وایستل او دسنګین ولسوالي په بازار کې یې په ټانګ پسې وتړی او په کش کولو یې تر قومندانۍ پوري ورساوه .

دکابل رژیم د حیوان صفته عسکرو دغه غیر انساني او غیر اخلاقي کړنې او وحشي عمل چي په ښکاره توګه انساني کرامت ته سپکاوی بلل کیږي ددې فاسدې او ظالمې ادارې په خلاف دسمې دخلکو حساسیتونه نور هم را وپار ول اوله چار واکو یې دعاملینو دسزا غوښتنه وکړه ،ددوی په وینا چي که یې خبره ونه منل شي نو په مظاهره به لاس پوريکړي.
موږ ددښمن داپریوتی او سپک عمل چي دانسان سپکاوی پکي شوی او بر بنډ شوی تقبیحوو او په کلکو ټکو یې غندو اووعده کوو چي ډیر ژر به دخداي ج په نصرت ددې ناروا عمل له عاملینو انتقام اخلو.

او پر هغو ټولنو چي دبشر دحقونو نعرې وهي هم ژغ کوو چي ددې قضیې پوره پلټنه وکړي پټه خوله نشي پاتې او دعاملینو په خلاف یې جدی اقدام وکړي او خپل مسئو لیت ادا کړي

قاري محمد یو سف احمدي داسلامي امارت ویاند ۱۴۳۵ / ۵ /۱۱ هق 2014/ 3/ 12م