په دې وروستیو کې دافغانستان داسلامي امارت میړنیو او مبارزو مجاهدینو دهیواد په مختلفو برخو کې دکامیابو او مؤثرو عملیاتو په ترسره کولو سره داشغالګرو ځواکونو او دکابل ادارې دامنیتي او استخباراتي کړیو امنیت وننګاوه او ددښمن ټولې لاپې شاپې او دکلک امنیت راوستولو خبرې یې دروغې ثابتې کړې.

دوې ورځې وړاندې مجاهدینو دننګرهار ولایت په مرکز او دکابل په ترټولو خوندي ځاي سرینا هوټل کې په کمه زماني مقطع کې یو په بل پسې ددښمن په هستوګنځایونو او استراحت ګاو باندي کامیاب عملیات ترسره کړل، چې په پایله کې یې دښمن ته درانه ځاني او مالي زیانونه واوښتل، ددښمن امنیتي چارواکو دتل په څیر دا ځل هم دخپل شکست او کمزوري د پټولو په موخه په ور اوښتو تلفاتو پرده خپره کړه او ډیره کمه مرګ ژوبله یې ومنله، ولي حقیقت ددښمن له اعتراف نه ډیر مغایر وو.

د الاماره ویب پاڼې هڅه کړې ترڅو دیادو پیښو اصلي صورت حال واضح شي او همداراز په دې اساس وخت کې د دا ډول سترو،قوي او پیچلو عملیاتو په ټولو اړخونو رڼا واچول شي، په همدې موخه مو داسلامي امارت له ویاند ذبیح الله مجاهد سره ځانګړې او تفصیلي مرکه کړې چې لوستلو ته یې تاسو رابولو.

ـــــــــــــــــــــــــــــ

پوښتنه ـــ په ننګرهار کې له فدايي بریدونو او د کابل په سرينا هوټل دبرید نه مو موخه څه وه؟

ځواب : بسم الله الرحمن الرحيم

الحمدلله والصلوة والسلام علی رسول الله امابعد:

د ننګرهار په جلال آباد کې بريدونو او دکابل په سرينا هوټل بریدونولاندې اهداف درلودل :

ـــ د ښمن ته بايد دا په ډاګه شي چې دوی په هيڅ صورت هم نشي کولای چې د افغان ميړني ولس د ارادو په وړاندې خنډونه ايجاد کړي، که تاسو متوجه شوي وئ، په دا ورستويو کې د کابل ادارې د دفاع او کورنيو چارو وزارتونو له خپلې سوې پورته دعوې وکړي، او وانمود يې کړه چې ګنې دوي په ټول هېواد ولکه لري، حالت يې کنټرول کړی، مجاهدين يې پسې اخيستي او راتلونکو په اصطلاح انتخاباتو ته يې زمنه مساعده کړې او هرڅه سم دم دي، که تاسو ليدلي وي ځينو رسنيو خصوصا غربي نيمه استخباراتي رسنيو هم دغسې پوچو افواهاتو ته ډيره هوا ورکړه او حالات يې نورمال معرفي کړل، همداراز د امریکا ځينو نظامي چارواکو هم خپل پارلمان او دسنا جرګو ته لافې شافې وويشتي چې ګنې دوی په افغانستان کې ډير قوي پوځ او ځواک ترشا پريږدي او په افغانستان کې حالات په ښه ډول د دوی په ګټه روان دي، د اسلامي امارت زړورو مجاهدينو د خپلو مشرانو په لارښونه اوهدايت وپتيله چې د دښمن په دغو ټولو ادعاوو او غورځو پرځو د بطلان کرښه راکش کړي او دا څرګنده کړي چې دښمن د مجاهدینو په مقابل کې هيڅ وړتيا نه لري، دهغو ډير امن ځايونه هم دمجاهدینو درخنې او لاس رسي نه خوندي نه دی، په دې توګه دهغو ټولې دعوې او ځان ښونې صرف د خارجي بادارانو د ډاډ او دهغوي د خوشحاله کولو لپاره تشې خيالي خبرې دي ، په عملي ميدان کې مجاهدين د جګړې په ټولو ساحوکې خورا فعال دي، د دښمن افراد، مسئولين، ادارې، مهم او خوندي ځالې او حتي د ارګ په خوله کې د بهرنيو مشاورينو استراحتګاه هریو تر دغه ډول بریدونو لاندي نيولي شي او ټول قوت يې ګواښلی شي.

ــ بل هدف دا وو چې د يرغلګرو هېوادونو ملتونه هم باید په دغو بریدونو سره، په دې پوه کړل شي چې هغه امریکايي ماتې خوړلي نظامي چارواکي او جنرالان چې غواړي په افغانستان باندي د دوي يرغل او بیا دلته د امریکا او غرب رسوا ماتي په دې سره توجيه کړي چې ګنې دوي اوس په افغانستان کې ښه پوځ او پوليس روزلي او د دوي پيل کړې جګړه نور د دوي لاسپوڅي پخپله وړتيا پرمخ وړي، داسې عوام فريبانه خبرې روښانه کړو او دامريکا او نورو يرغلګرو هېوادونو خلکوته واضح کړو چې ددوي جنرالان په خپلو مخامخ او تلويزيوني کنفرانسونو کې دروغ وايي، هغوي دلته هم په فزيکي لحاظ ماتې خوړلې او هم يې په معنوي لحاظ ميدان بايللی، اوس غواړي په خپلو خبرو کې خپل ملتونه تير باسي، دهغونه غصب شوي د ټکس د پيسو دبې ځايه مصرف لپاره غولونکي بهانې ولټوي او په دې ډول د خپلو پارلمانونو او خلکو د محاسبې نه ځانونه خلاص کړي.

ـــ زموږ وروستيو بریدونو بهرني جهت ته څرګنده کړه چې په غلامانو باندي سرمايه ګذاري نشي کولای زموږ دملت ريښتونې ارادې ماتې او جرئت سلب کړي، موږ به دا ميدان ګټو او د خپلې خوښې اسلامي نظام به په هره ممکنه وسیله چې وي په هيوادې کې بیرته اعاده کوو.

ــ مزدور جهت ته هم زموږ پيغام خورا رساوو، دننګرهار په ترټولو مصئون ځای زموږ دفدايانو برید او د ارګ په وزر کې د سرينا په هوټل بریدونو جوته کړه ، چې د کابل ادارې غلامان دا وړتيا نه لري چې دهغې تُورې مقابله وکړي چې دباطل په ضد دحق په لاس پورته شوي ده، ښه لار داده چې د کابل لاسپوڅي د کفارو له غلامۍ څخه لاس په سر او دالله تعالی احکامو، د مجاهد ملت برحقه داعې او د دې ملت د قربانيو ثمرې ته سلامي شي، نور ځانونه په هلاکت کې ونه غورځوي، دا لاره چې اوس دوي غوره کړې باطله ده، دوی نشي کولای د کفارو په حمايت کې آرام ژوند وکړي، دوی نشي کولای د امریکا په پيسو او وسلو د خپلو خلکو وژلو، د هېواد پلورلو، او غلامۍ ته په داسې حال کې ادامه ورکړي چې عدالت به نه ورسره کيږي، او فکر وکړي چې امریکا ورسره ده نو به له هر ډول محاسبې څخه معافيت ترلاسه کړي.

ـــ د ننګرهار او کابل له بريدونونه موداهم موخه وه چې يوځل بیا څرګنده کړو، کوم څه چې موږ وايو هغه عملي کولای هم شو، زموږ اخطارونه صرف په ادعا کې محدود نه دي، صرف شعار نه ده بلکي عملي جهت لري، چې د دښمن په ډيرو مصئونو ځايونو کې د برید توانای زموږ وړتیا ښکاره کوي او زموږ د اخطارونو په اړه دښمن ته رسا پيغام ورکوي.

پوښتنه ــ بهرنیان او د کابل ادارې غړي وايي دلته ملکي خلک تر هدف لاندي نيول شوي وو تاسوڅه غبرګون لرئ آيا ريښتا هم د برید لاندې ځايونه ملکي ځایونه وو؟

دملکي خلکو د تلفاتو خبره دوی زموږ تر هربرید وروسته کړې او لابه هم دوام ورکړي، هغه ملکي خلک چې په ځينو بریدونو کې د يوې حادثې په ډول ګير پاتې کيږی او زیان ورته اوړي، دا دجګړې هغه منفي عارض ده چې متأسفانه هره جګړه يې لري او ځان ترې په ټولیزه توګه ساتل امکان نه لري، ولې په قصدي ډول ملکي ځای په نښه کول او ياملکي کس په نښه کول زموږ په بريدونو کې نه دي ترسره شوي، موږ کله هم خدای مکړه د ملکي خلکو وژلو ته لیواله نه یو او نه هم دا زموږ هدف ته، د ملکي خلکو په زیان سره لومړی زیان موږ ته اوړي، ملکي خلک زموږ خلک دي او دهغو د ژوند ژغورلو لپاره زموږ مبارزه روانه ده.

لیکن يو هغه ملکي خلک دي چې د دښمن په ځالو کې دننه ځان ملکي بولي، د دښمن په استراحتګاوو کې عيشونه کوي بیا هم هيله لري چې زیان ورته ونه رسیږي، دا خبره هيڅ معقوله نه ده ، موږ دا ديارلس کاله په مکرر ډول ټولو هېوادوالوته دا پيغامونه ورکړي، اعلامي مو خپرې کړي، په شخصي تماسونو کې مو ياده کړي چې بايد ملکي خلک د امریکايانو او د کابل ادارې له اړوندو تأسیساتو، دهدف لاندي ځایونو، دعسکرو، پولیسو او نورو غلیمانو له مراکزو ځانونه لري کړي، دغه راز ځايوته راشه درشه ونه کړي، له دښمن سره په غونډو، مجالسو، محفلونو او نورو مراسموکې ګډون ونه کړي، ځکه دا ټول ځایونه زموږ اهداف دي اوپه مکرر ډول بریدونه پرې شوي هم دي، که بيا هم څوک زموږ دخبرداريو خيال نه ساتي، په دغسې ځایونو کې شرکت کوي، له دښمن سره لنډ فزیکي تماس ساتي او بيا زیان ورته اوړي، وژل کيږي يا ټپي کيږي ، تر برید لاندې راځي ، په نښته کې بند پاتي کيږي، داټول يې خپل مسئوليت او تر ده پورې اړه لري، زموږ لپاره د دغسې خلکو زیانمن کيدل د تأسف وړی دي ولي زيان رسیدل ورته زموږ کار نه بلکې د دوی دخپل عمل نتيجه ده.

بل پلو هغه په اصطلاح ملکيان چې د يرغلګرو هېوادونو اتباع دي، لباس يې ملکي په تن کړی؛ خو عملا د سي آی اې مامور ده، د کابل ادارې ته په بيلابیلو برخو کې مشوروي ورکوي، د اشغال د غزولو پلانونه طرحه کوي، دمجاهدینو دشهادت او له منځه وړلو طريقې او لارې ښيي ، داخلک ملکيان نه دي ، داسې خلک موږ له ډيرو دقيقو استخباراتي معلوماتو وروسته تر هدف لاندي نيسو او وژل يې زموږ له مهمو اهدافو څخه دي.

پوښتنه ــ ويل کيږي چې په مشخص ډول د سرينا هوټل برید په ملکیانو ترسره شو او په کې يو خبريال هم له خپلې ښځې او ماشومانو سره وژل شوی په دې اړه که مشخص راته خپل نظر ووایي ؟

ځواب : دسريناهوټل په اړه بايدلږ مخکني معلومات ورکړو، دغه هوټل دمهموامریکايي ، کانادايي او ځينو نورو غربي يرغلګرو هېوادونو د مشاورينو، روزونکو، او هغو افرادو د اوسيدو ځای وو چې دکابل ادارې کلک حمايت کوي، داشغال د دوام په لټه کې دې او دا دیارلس کاله دافغانانو د بیلابیلو ارزښتونو په مقابل کې په دسیسه سازي بوخت دي، په عموم کې د سرينا هوټل ته هغه خلک راتلل او دلته په اطاقونو کې د اوږدې زمانې لپاره اوسیدل، ډوډۍ يې خوړله او راحت يې کاوه چې هغه مخامخ د اشغالګرو سره په کار بوخت وو او دي.

سرینا هوټل مخکې هم دمجاهدینو د ورته بریدونو لاندې راغلي وو او دا ښکاره وه چې دلته زموږ د ښمنان ناسته پاسته لري، د دې لپاره چې په دې هوټل کې بهرني مهم خلک اوسیدل د خارجيانو او دکابل ادارې لخوا د دې هوټل لپاره فوق العاده امنيتي تدابیر هم نيول شوي وو او د کلک کمربند په دننه کې يې فعالیت کاوه چې يو ملکي ځای دغه ډول احضاراتوته اړتيا نه لري.

په دغه خارجي ميلمستون باندي برید کله هم په ملکي ځای نه بلکي د دسيسو په مرکز او د دښمن په مهم هسته برید وو، موږ د دغه ځای د فعالیت او دلته د اوسیدونکو اکثره خلکو په اړه دقيق استخباراتي راپورونه لرل، له هوټل نه مو ښه معلومات ترلاسه کړي وو، باربار مو مجاهدين دې ځای ته د څار لپاره استولي وو او مياشتې وړاندې مو په دغه هوټل د برید لپاره په پلان کار پيل کړي وو چې طبعا دقیقه څارنه او پيژنده ورسره وه.

داچې په دې هوټل کې کوم خبريال، دهغه ښځه او ماشومان وژل شوي دا خبره په هرصورت د تأسف وړ ده، خو ما مخکې اشاره وکړه چې دغسې خطرناکو ځایونوته دافغانانو ورتګ او بیا هلته کې زیانمن کیدل دهغو خپل مسئوليت ده، بايد خبریال یا بل هرافغان چې وي د دښمن دتجمع او عياشيو محفلونوته ورنشي، او له حالاتو نه زده کړه وکړي، که بیا هم په دې اړه څوک زموږ خبرداریو ته اعتنا نه کوي او زيانمن کيږي، دا دهيڅ قانون او اصل له مخې هم زموږ ملامتي نه بلکي د زیانمن شوي خپله اشتباه ده چې دخپلې تيروتنې قرباني ورته ويلی شو.

موږ معلومات وکړل ، هغه افغان خبریال چې په دغه ځای کې له خپل فاميل سره ووژل شو، هغه د مجاهدينو او د کابل ادارې د عسکرو ترمنځ په نښته کې ګيرشوي وو، د مرميو په تبادله او باران کې طبعي خبره ده چې څوک بچ نه پاتې کيږي او که هرڅوک وي زیان ويني، د دغه خبریال او کورنۍ وژنه يې په غالب ګمان د کابل اداې د وارخطا عسکرو په ځوابيه ډزو کې ترسره شوي، ځکه له هغه ځایه چې موږ خپل مجاهدين روزلي، هغوی پيژنو، دهغو نيت او سپيڅلتوب ته ګورو او داسنجوو چې لږ وروسته پخپله هم شهيد کيږي او دالله تعالی محاسبې ته ورځي نو هيڅکله هم دانشو ویلای چې زموږ مجاهدینو دې ماشومان په نښه کړي او شهيدان کړي وي او يادې يې افغانه ښځه له پيژندنې نه وروسته هم شهيده کړې وي. په هر صورت دا يوه حادثه وه زموږ هدف او قصد په هيڅ ډول هم دا نه وو چې موږ په سرينا هوټل کې خبريال ووژنو يا يې خدای مکړه ماشومان او ښځه ووژنو.

پوښتنه ــ ځينو رسنیو او د ژورنالستانو د حقوقو ټولنو په دغه پيښه د غم جن کيدو ترڅنګ د مجاهدينو په خبرونو باندي د بندیز خبره هم وکړه ، دې ته تاسو څه ځواب لري؟

لومړی خو باید درسنیو او ژورنالستانو د ټولنو تصاميم په آګاهۍ بناوي، دوی زموږ دهېواد هغه قشر بلل کیږي چې له نورو خلکونه ډير د حالاتو درک کولای شي ، موږ د خبريالانو ژوند ته دا ديارلس کاله پام کړی او لابه يې ورته کوو، خو حادثه او غير قصدي عمل باید له قصدي عمل سره جلا شي او بیا قضاوت وشي.

که د خبريالانو وژنه زموږ د جنګي بهیر برخه وايي نو په يوه ورځ کې افغانستان له رسنیو او خبریالانونه خالی کولای شو، دا خبره له هيچا هم پټه نه ده چې اکثره خبریالانو او رسنیو زموږ په ضد په پراخ پروپاګند لاس پورې کړی، دا اوس د امریکا يي سفارت خانې نه ورته پنډونه هغوته د خدمت په بدل کې منظور دي، د مجاهدينو په ضد مخامخ د دښمنۍ اعلانونه د تجارتي اعلان په نامه او شکل نشروي، خو بیا هم دا زموږ د تحمل او برداشت ښونه کوي چې زموږ له توان او وس سره سره لاهم د دوي مراکز په امن کې دي، ګشت اوګوزار يې په امن کې ده، او د خبريال په نامه ورته احترام او درناوی کيږي، ولی که چيرته په کوم ځای کې زموږ بريد د دښمن په وړاندې وي ، هلته د خبریال دفعالیت او ورتګ ځای نه وي، د نه ورتللو خبرداری هم په کراتو ورکړل شوي وي، بيا زیان وويني او بیا زموږ پسې تبليغات پيل کړي چې مجاهدينو خبريال قصدا وژلي يا نور عکس العملونه ، زه فکر کوم دا کار له هرچا زیات خبري ټولنو او رسنیو ته ډير زيان اړولی شي، زه ویره لرم چې خدای مکړه دغه راز بې محاسبې او پروپاګند آمیزه دریځونه مجاهدین دې ته اړ نه کړي چې د دوي په اړه هم ريښتونی تصميم ونيسي، موږ د رسنیو له مراکزو نه غواړو چې واقعتونو په نظر کې ونيسي، د خبریالانو په اړه زموږ عام دريځ خوراله حوصلې او برداشته ډک ده، دوی هم باید داسې څه راپورې ونه تړي چې هغه د مجاهدینو دجنګي بهیر برخه نه وي، مثلا که یو خبریال چيرته په ترافیکي حادثه کې ووژل شي دابه انصاف نه وي چې ادعا وشي چې ترافیک دخبریالانو ژوند ته پام نه کوي او یا ترافیکو خبریال وواژه ، ځکه هلته بې له پيژندنې او اګاهي نه یوه پيښه او غیر ارادي عمل ترسره شوي وي چې له شايي قصد نه وي، همدا راز که يوڅوک پخوا خبریال وي او اوس د دښمن په لیکوکې فعالیت کوي دکابل په اداره کې دولایتونو ادارې غړي وي، بیا ووژل شي، لا هم ادعا کول چې مجاهدینو خبریال وواژه، دا بیا هم هغه د بې انصافي او له حقیقته لرې خبره ده چې ممکن دځينو رسنیو په اړه دمجاهدینو دريځ بدل کړي.

پوښتنه ــ د ننګرهار او سرینا هوټل بریدونه په څو ساعتونو کې سره رامنځته شول، داسې قوي عملیات او دومره مهمو ځايونوته د مجاهدينو رسیدل او وسله وړل د دښمن وړتیا څومره ګواښې؟

ځواب :بلې! دا خو د اسلامي امارت مجاهدینو په کراتو ثابته کړې چې د هرډول بريد او هرځای ته د ځان رسولو توان لري، په دا وروستيو کې د ننګرهار او کابل بریدونو يوځل بیا هم د مجاهدين په وړتيا، زړور تيا او قوت د تائيد مهر ولګاوو، اشغالګر او مزدور دښمن يې په ځان پورې حيران کړ، دا چې له ټولوتلاشيو، امنيتي کمربندونو اوموانع سره د کلکو امنيتي تدابیرو با وجود مجاهدين هام د دښمن مرکز ته د څوميلټو په دننه کې ځان رسوي، او بيا له هغه ځايه بیرته له دښمن سره د ساعتونو جګړه مخته بیا يي،د مجاهدينو لپاره خو له دې نه پورته قوت او ميړانه متصوره نه ده او د دښمن لپاره بیا له دې نه دشرم او ناوړتيا حالت بل نشته ، خو بیا هم وايم چې مجاهدين د الله تعالی نصرت او دخپل ولس حقيقي ملاتړ اوهمکاري له ځانه سره لري، عالی روحيه او قوي انګيزه لري، بلخوا دښمن د څو پيسو غل ده، د پردو مزدور ده، اراده او انګيزه نه لري، لابه هم تاسو وګورئ چې څومره نور له شرم او ماتو سره مخ کيږي، يو تبليغات او دمطبوعاتو په مخ لافې او خبرې دي اويوهم د عمل په ميدان کې میړانه او ريښتونی برياليتوب ، موږ دښمن ته ښه تجويز دابولو چې له خپلې غلامۍ نه لاس واخلي ، د پردو ګټو لپاره له مزدورۍ نه تير شي،افغانستان يواسلامي ملک ده ، په دې ملک کې داسلامي نظام د استحکام لپاره په مليونهاوو قربانۍ ورکړل شوي دي، پردۍ يرغلګر او تالۍ څټي مزدوران يې د زمرو په دې وطن کې د بريالیتوب او استوده اوسيدو هيڅ چانس نه لري، زموږ وروستیو بريدونو وښوده چې موږ د دښمن ډيروخوندي ځایونوته هم ځان رسوو، د ښمن ځپو او د پخوانيو کمونستانو په انجام يې اخته کولای شو، ښه به داوي چې کورنی دښمن دغه واقعيت درک کړي او دامریکايانو په ځای ځان دمرګ کومې ته ونه غورځوي، نور ځانونه لاخطرته ورنه کړي، موږ او امریکايان سره پريږدي چې سره معلومه يې کړو او دافغانستان خاوره يوځل بیا د امریکا او ناټو لپاره په آخري قبرستان بدله کړو.

پوښتنه ــ په کابل او ننګرهار کې له برید نه ورسته د کابل ادارې د ملګرو ملتو دامنیت شورا نه د داسې لوي فدايي بریدونو په مخنيوې کې د مرستې غوښتنه وکړه، دا غوښتنه څه په ډاګه کوي او دهغو مرسته به څه وي او څه تأثيربه ولري؟

ځواب : د امنيت شورا يوې لوې او قوي برخې خو دا دیارلس کاله په افغانستان کې موږ ته امتحان راکړ، هغوې په داتيرو ديارلسو کلونو کې څه وکړل چې اوس يې د کابل له غلامانو سره وکړي؟ موږ الله تعالی ته شکر اداکوو چې موږ د خپل رب الله جل جلاله څخه مرسته او نصرت غواړو او دا ديارلس کاله د الله تعالی دنصرت او مرستې انتظار باسو او وينو يې هم ، خو دښمن مو د سختۍ په حال کې بيا له امنيت شورا څخه د ملاتړ غوښتنه کوي، دغه زموږ او د دښمن ترمنځ فرق ده اوموږ په دې توپير الله تعالی ته ډير شکر باسو، په دې سره زموږ حقانيت او د دښمن باطلوالی او دطاغوت بندګۍ ښه روښانه شوه.

راځو موضوع ته،تاسو ته معلومه ده چې په افغانستان باندې د يرغل فيصله د امریکا په سرکردګۍ اوفشار د امنيت دشورا کاروو، او دا ديارلس کاله زموږ هېواد هم د امنيت شورا ديوې برخې آيساف خيلو او ناټو خيلو لخوا ديرغل سره مخ ده، موږ دغه ډول سرښندونکي بریدونه د امريکا، ناټو او آيساف په مقابل کې هغه مهال پيل کړل چې دکابل اکثره غلامان لاپه نطفه کې وو، که امنيت شورا د دغه راز بریدونو په مخنيوې کې څه کولای شوای خو دځان د رسوايي او ماتې مخه به يې نيولې وه، زموږ دغه سرښندونکي او فدایي بریدونه وو چې ناټو يې په نړيواله سويه له ماتې او شرم سره مخ کړه، زموږ دغه بریدونه وو چې امریکايي او ټول غربي باتجربه جنرالان يې يو په بل پسې ناکام او پسې واخيستل، نو اوس که د کابل اداره له امنيت شورا نه د دغه ډول بریدونو په مخنيوې کې مرسته غواړي لومړی خو د دوي ټولې غورځې پرځې چې د ځان د قوت په اړه يې څو ورځې مخکې کولی دروغ ثابتې شوې، دوهم دا چې امنيت شورا به هم ورته ووايي چې که موږ (بزې ميږې کولای شوای نو لومړی به مو خپلې بزې ميږې کړې واي؟) که موږ د فدايي بريدونو مقابله کولای شوای نو لومړی به موځان له نړيوالې رسوايي بچ کړی وايی او له شرم نه ډکه ماتې به مو نه خوړله.

په هرصورت دلته د اسلام او کفر مقابله ده، دحق او دباطل ترمنځ جګړه ده اودا دخدای تعالی وعده ده چې کله حق راشي باطل به له خپل ټول قوت او زور سره سره محوه کيږي او ورک کيږي به ، موږ باوري يو چې لومړی خو دامنيت شورا د کابل له رژيم سره په دې کار کې هيڅ مرسته نشي کولای او که فرضا ويې هم کړي نو هغه موږ له مخکې تجربه کړي او آزمويلي دي، هيڅ تشويش نه ترې لرو، خو د کابل ادارې چارواکو ته بیا هم تکراروو چې کفارو ته که په عذر او زاريوميدان ګټل کيدای نو په افغانستان کې به اوس د شاشجاع د حاکميت سلسله چلیده، يا به د کارمل د رژيم د افغان شوروي تل پاتې دوستي ريښتيا هم تل پاتې وای، او يا به اقلا د امریکايانو هغه غور او فش ځای نيولی وو چې همدا د کابل ادارې غړي يي له الوتکو راديسانت کړل او يا يي له مغارو راويستل او دکابل تر ارګه يې ورسول ، ښه داده چې که دوي کې لږ څه ايمان هم باقي پاتي وي نو الله تعالی ته دې رجوع وکړي، يو جرئت د وکړي او مجاهدينو ته دې تسليم شي، دشرعي نظام سره دې موافقه وکړي، ديرغلګرو اوکفارو سره دې مقاطعه وکړي، دخپلو مجاهدينو وروڼو ترڅنګ دې ودریږي او له ټولو تيرو ناخوالونه دې نادم او په راتلونکې کې ترې لاس واخلي، زما په نظر دنجات لاره يې همدايوه ده اوبس.

پوښتنه ــ د کابل او ننګرهار بریدونه غربي چارواکې هم په شور کې راوستل، د دې غوغا او پراخ تأثير علت څه کيدای شي؟

ځواب : ستاسو به ياد وي څو ورځې وړاندې د غربي سياسيونو په لارښونه ځينو امریکايي او غربي جنرالانو خپلو ولسونوته په ځينو کنفرانسونو او پارلمانونوته د ويانو په مهال وويل چې دوي اوس په افغانستان کې ډيره قوي اردو جوړه کړې او هغه اردو به د دوی پاتې شونې جګړه په داسې حال کې پرمخ وړي چې دوی به په کې هيڅ تلفات نه لري، همدا ډول ځينې نورې کاذبانه خوشبينۍ يې هم خپرې کړې، خوکله چې مجاهدينو په ننګرهار او کابل کې نه پټيدونکي مرګوني بریدونه ترسره کړل، امریکايي او اکثره غربي چارواکي يې خپلو خلکو ته کاذب ثابت کړل او په دې کار سره غربي لوړپوړو چارواکو دخجالتي ټکان وخوړ، نو طبعا به داسې عميق تأثرات ښې او هڅه به کوي چې دخپلو ملتونو ذهنيت د افغانستان دقضې نه په بله واړوي، دلته بریدونه غير انساني او حتی وحشيانه وبولي، په داسې حال کې چې دوی زيات له يوې لسيزې په افغانستان کې خپلو وحشتونو ته دوام ورکړی، په زرهاوو ماشومان، ښځې ، سپين ږيري او بې ګناه ملکيان يې په خوب ويده او په ويښه شهيدان کړي، افغانستان ته يې ناامنۍ راوستي، زموږ د هېواد جوړ اسلامي نظام يې په ګډوډۍ، چور، رشوت او انارشيزم وربدل کړ او په دې توګه يې په زرهاوو وحشتونو،غصبونو، ادارې او اخلاقي فسادونو او ظلمونوته لاره هواره کړه.

پوښتنه ــ د کابل اداري امنيتي ځواکونو په دا ورستيو کې ادعاوې وکړي چې هغوي د هېواد په بیلابیلو سیموکې عملیات کړي، مجاهدین يې له ډير ځايونوڅخه په شا کړي، همدا راز په ټول هېواد کې د انتخاباتو امنيت نيولوته تیار دی او تر دونیم لکه امنيتي ځواکونه يې په کار ګمارلي دي، د دغه پيچلو پيښو نه وروسته د دوي د ادعاوو څومره اهميت پاتې کيږي؟

ځواب: موږ مخکې مکرر وويل چې په دغو بريدونو سره دکابل ادارې ټولې ادعاوې يې باطلې شوي،د هغو وړتيا پخپله نمايش ته وړاندې شوه، پوچ او له واقعيته لرې پروپاګند نشي کولای دحقايقو ماهيت بدل کړي،زموږ په بریدونو سره داخبره ډيره ثابته شوه چې ان شاءالله موږ چې څه ويلي هغه کولای شو، او څومره مو چې دعوه کړې هغومره ختلي يو، له دې هيسته به هم ان شاءالله ملت او جهانيان شاهدان وي چې دښمن مو پوره وارخطا ده، اراده او ابتکاريې بایللي او لرې نه ده چې ملت مو دلويو فتحو اوسوبو دلیدلو شاهد وي. ان شاءالله تعالی.

پوښتنه ــ آيا مجاهدين به نور دغه ډول بریدونه هم وکړي؟

ځواب : ان شاءالله ، تر څو چې مو هېواد نه وي آزاد شوی، د اشغال کمپله نه وي ټوله شوې، په ټولیزه توګه دفساد او مجرمينو ټغر نه وي ټول شوی، دا زموږ فريضه ده چې جهاد ته ادامه ورکړو او په دښمن له دې نه هم زيات وارخطا کونکي بریدونه ترسره کړو، له لوی الله جل جلاله نه غواړو چې دخپلومجاهدو بندګانو چې دالله د رضا او د اسلامي نظام د استحکام لپاره يې خورا درنې قربانۍ ورکړې دي، لا هم مرسته وکړي او موږ خپل نهايي هدف د اسلامي نظام استحکام شاهدان وګرځوي ، ملت مو نور له دغو ټولو ناخوالو اوبدبختيو نه راوباسي او دکفر او د هغو دغلامانو داسې بیخ کني وکړي لکه پخوايې چې دهر باطل ريښه ايستلی او حق يې پرې بريالی کړي ده، دهمداسې يوې ورځې په هيله.

پای

مرکیال : عمران خلیل