دامریکادسنامجلس په یوه راپور کي راغلي،دامریکاداستخباراتي ادارې سي آی اې له لوري له زندانیانوسره بې رحمانه چلندشوی دی.په راپور کي راغلي، سی آی اې دغه بې رحمانهچلند له هغو زندانیانوسره دتحقیق په مهال کړی دی، چي دالقاعدې په تور يې نیولي وو.په دغه راپور کي په اسیا او اروپا کي دامریکاپه پټو زندانونوکي دالقاعدې داسلاميتنظیم له غړو څخه دتحقیق جزیات راټول شوي دي، چي د۲۰۰۱ کال دسپتمبر میاشتيله پيښي وروسته نیول شوي دي.دغه راپور ۶ زره صفحې ده، چي دامریکادسنامجلس داستخباراتو دکمېټې دپنځه کلني څېړني پایله ده، چي اوس يې یوازي یوه برخه نشر شوې ده.په دغه راپور کي ویل شوي، چي سی آی اې دتحقیق په مهال دالقاعدې له غړو څخه دکومو شکنجوپه وسیله معلومات اخیستي دي، دتعذیب په دغو طریقو کي بې خوبي، په ډیر وړوکي ځای کي ساتل، په زندانیانو داوبواچول او کرنټ ورکول هم شامل دي.دديموکراتانو له لوري په چمتوشوي راپور کي راغلي، سی آی اې دپوښتنوګروېږنو او تحقیق په اړه امریکایانو ته درواغ ویلي وو.په راپور کي ویل شوي، ددغو پوښتنو ګروېږنوڅخه ترلاسه شويو معلوماتو دګواښونو په شنډولو کي مرسته نه ده کړې، خو سی آیاې دخپلو دغووحشیانه کړنو دفاع کړې ده.ددغه راپور له خپرېدلو څو ساعته وړاندي دامریکاددفاع وزیر چیکل هېګل اعلان وکړ، چيپه ټوله نړۍ کي يې خپلو عسکرو ته دتیارسۍ امر کړی دی، ځکه کېدلی شي، دراپور له خپرېدلو سره په امریکايي پوځیانوبریدونه ترسره شي.امریکاخپلو سفارتونو ته هم ویلي، چي له احتیاط څخه کار واخلي، ترڅو له ممکنه بریدونو څخه وساتل شي.امریکاله زیاتره هغو زندانیانوسره ناوړه چلند ترسره کړی دی، چي هغوی بې له کوم جرمڅخه نیول شوي وو او دامریکایانو له لوريکوم جرم پرې ثابت شوی نه دی.دبشر حقونو یو شمېرادارو او اشخاصو دامریکاداستخباراتو له لوري له زندانیانوسره دغه ډول وحشیانه چلند غندلی دی.دیادوني وړ ده، امریکانه يوازي دالقاعدې لهغړو سره وحشیانه چلند کړی دی، بلکه دطالبانو داسلامي امارت په تور نیول شویو کسانو سره يې هم دغه ډول بې رحمانه چلند کړی دی.امریکادنړۍ هغه هیواد دی، چي دبشرحقونه يې تل ترپښولاندي کړي دي، خوبیايې هم دخپلو شومو اهدافو لپاره دغه شعار کارولی دی.