او کله چې سږ کال په مصر کې دامریکا ،نورلویدیځ او اسرائیلو په اشاره دمصري فوځ له لورې دمحمدمرسي اداره ړنګه او بیا یې دمحمدمرسي په طرفدارۍ کې راوتي زرونه مسلمانان ووژل نو دلته هم طیب اردګان یواځینی مسلمان واکمن و چې دفوځ ددې ظلمونو غندنه یې وکړه او دمحمدمرسي دادارې ړنګول یې دقانون نقص وګڼلو.
لنډه دا چې داردګان اوسنۍ بهرنۍ تګلاره امریکا ،نورلویدیځ او اسرائیلو ته دمنلو وړ نه وه چې له امله به یې خامخا ددې ادارې دړنګولو لپاره پلانونه جوړول .
دطیب اردګان دا کمزورې اسلام پالنه او اسلامي نړۍ ته دنزدیکت دا یادې هڅې به هم امریکا ، نورلویدیځ او اسرائیل دطیب اردګان نه بښونکی جرم ګڼي خو زما په اند ددې نه هم ستر جرم دطیب اردګان اقتصادي بغاوت و.
محترمو لوستوالو ته به معلوم وي چې نړیوال بانک او آی ایم ایف دواړه هغه نړیوالې مالیاتي ادارې دي چې پرې دیهودو قبضه ده ؛ دا دواړه ادارې دنړۍ زیاتره هېوادونو ته سودي قرضونه ورکوي چې له امله یې بیا همدا هېوادونه ددې ادارو داسې غلامۍ قبلولو ته مجبورېږي چې دمقروضو هېوادونو په قوانینو کې تغیر او تبدیل هم دیادو دواړو ادارو په غوښتنې راځي او دبرق ، غازو ، تېلو او داسې نورو سترو څیزونو نرخونه هم همدوئ ټاکي . همدا اقتصادي غلامي ده او دنړۍ یهود پدې لومو کې دټولې نړۍ راښکېلول غواړي خو طیب اردګان ددوئ په لومو کې راښکیل شوې ترکیه ددوئ دغلامۍ نه ازاده او دمسلسلو کامیابو هڅو په نتیجه کې یې په اقتصادي لحاظ دومره پرمختګ وکړ چې اوس ترکیه دنړیوال بانک یا آی.ایم.ایف یوه روپۍ هم نده مقروضه .
نو ځکه په ترکې کې هم دمصر په څېر دحالاتو رامنځته کولو او دطیب اردګان دادارې دړنګولو لپاره دکمالېزم ټول پاتې شوني او دغربي این جي اوګانو کارکوونکي په کار اچول شوي او ښه په سپین سترګۍ یې په ترکې کې دامریکا اونور لویدیځ سفارتونه اداره کوي .
څو میاشتې وړاندې هم د اردګان ادارې پرضد دترکانو دراپورته کولو هڅې شوې وې کله چې دې ادارې په استنبول کې دیو پارک دورانولو او هورې داسلامي خلافت دفتح دیو ستر څلي اوسوداګریز مرکزدجوړولو پرېکړه کړې وه خو هغه توطیه ځکه شنډه شوه چې ددولت ضد مظاهرو کې به یواځې دبډایو کورنیو یو څو زرو هلکانو او انجونو ګډون کاوه ؛ دترکې متوسطه طبقه چې دترکې قاطع اکثریت همدا طبقه تشکیلوي او همدوئ دطیب اردګان حامیان دي په هغه لاریونونو کې یې ګډون نه وکړی خو اوسنۍ توطیه ځکه خطرناکه ښکاري چې په دولت کې شامل دفتح الله ګولن ګوند هم اوس داردګان د مخالفینو په صف کې ودرېدلي دي .
اصل خبره داده چې طیب اردګان چې څرنګه دهېواد داقتصاد ښه کولوته ډېره توجه کړیده نوترڅنګ یې دهېواد ښوونیز نظام دپیاوړتیالپاره هم ډېر مثبت ګامونه پورته کړيدي ؛ وړاندې به په یوصنف کې ۶۰زدکوونکي ووخوطیب اردګان په تېرو ۱۱کلونو کې دومره زیات ښوونځي جوړکړل چې اوس په یوصنف کې یواځې ۳۰زدکونکي وي اودولت اراده لري چې داشمېره ۲۰ته راکوزه کړي ترڅو د دولتي ښوونځو معیارلوړ اوخلک دشخصي مکتبونو په ځای دولتي مکتبونوته مخه کړي ؛ دترکې دولت په نومبر کې دشخصي مکتبونو دبندولو پرېکړه کړی چې پدې کې دترکې دولس هراړخیزې ګټې نغښتې دي خودګولن اودده دډلې شخصي ګټوته تاوان رسېږي ځکه چې فتح الله ګولن د ٫٫خزمت موومنټ ،، په نوم دډېرې سترې تعلیمي موسسې مشري کوي او ترکې او نورې اسلامي نړۍ کې په زرونو مکتبونه لري چې له دې لارې هرکال په سوونو ملیونه ډالر لاسته راوړي ،ګولن تل هڅه کوي چې ځان خلکو ته فلسفې او اسلامي علومو ماهر وښایې او نړۍ یې په همدې صفت وپېژني خو دا چې د ۱۹۹۰راهیسې یې خپل وطن ترکیه او ټوله اسلامي نړۍ پرېښې ، په امریکا کې مېشت دی او داسرائیلو سره یې نېږدې روابط دي نو ځکه ورته دترکې او دحال نه یې خبروټولو مسلمانانو دشک په نظر کتل چې دا شک اوس په یقین بدل شو کله چې پدې حساس وخت کې ګولن دطیب اردګان دادارې پرضد اواز پورته کړ .
او دا چې دګولن موسسې نېږدې خپل ټول فارغین په پولیس او قضا کې مقرر کړي نو اوسنۍ لانجه کې همدې دواړو څانګو داردګان ادارې پرضد ددومره تشدد نه کار واخست او خپل بدنیت یې ترهغه حده ښکاره کړ چې قدم په قدم یې قانون هم ترپښو لاندې کړ مثلاً پولیس یې په کورونو چاپې وهي او مشکوک افراد دپولیسو مرکزونو ته راولي دې په ټولنې بداثر کړی و نوځکه دولت حکم وکړ چې دخپل افسر نه داجازې اخستلو پرته به پولیس دچا کور ته نه ورځي خو محکمې ددولت دا پرېکړه لغوه اعلان کړه او پولیسو ته یې دخپل افسر له اجازې پرته هم دهر مشکوک تن پرضد دعملیاتو او دپولیس مرکز ته دراوستلو اجازه ورکړه
همداراز دطیب اردګان لور او ځوی سره له دې چې یوه وقف اداره چلوي هیڅ دولتي ماموریت نه لري او نه یې هم په اوسنۍ لانجه کې دککړتیا څه احتمال شته خو بیا هم داردګان ځوی بلال اردګان محکمې ته حاضر کړای شو او لکه څرنګه چې محاکمو دټولو نړیوالو قوانینو خلاف محاکمو ته دحاضرېدو نه لا دمخه دټولو ککړو تنانو دوسې مطبوعاتو ته ښکاره کړی همدا رنګه یې دبلال اردګان پسې دراجلبولو خط هم مطبوعاتو ته ورکړ ترڅو مطبوعاتو کې چاپ او په طیب اردګان دفشار راوستلو لپاره ترې کار واخستل شي ؛ دکورنیو چارو دوزیر معمرګولر دځوی باریس ګولر او داقتصاد دوزیر ظفرچالیان دځوی کان چالیان چې دمالي فساد په اوسنۍ لانجه کې تورن شول نو یادو دواړو وزیرانو استعفاګانې ورکړې نو ځکه دغرب په مطبوعاتو کې دترکې په اړه په چاپ شویو مقالو کې دامطالبه ډېره په شدومد سره کېږي چې دبلال اردګان دنوم درامخې ته کېدو نه پس باید طیب اردګان ژر ترژره مستعفي شي .
دګولن اتحادې سره تړاولرونکو قاضیانو او پولیس افسرانو لا ۱۴میاشتې دمخه دطیب اردګان دادارو دوزیرانو او دپارلمان دغړیو پرضد طوطئې پیل کړی وې او اوس چې دښاروالۍ انتخاباتو ته ایله دوه میاشتې پاتې دي نو پولیسو او محاکمو دا خبره راپورته کړه چې داردګان اداره په مالي فساد کې ککړه ده او ددې ادارې ۲۲غړو په شریکه دې فساد ته لار برابره کړېده حال دا چې پدې ۲۲تنانو کې اکثرلا ددې نه هم نه وو خبر چې څه رامنځته شویدي ؟
خو لومړی وزیر طیب اردګان د اوسنۍ توطئې په مقابل کې سخت غبرګون ښودلی دی ،هغه پدې لانجه کې دپولیسو کړنې ګنده لوبه وګڼله او زیاته یې کړه چې ده دکورنو او بهرنو هغو کړیو شوم پلان دی چې دمارچ دراتلونکو انتخاباتو نه وړاندې زموږ دادارې بدنامول غواړي ؛ هغه زیاته کړه چې دهغو کړیو لاسونه به ورمات کړي چې دتفتیش او تحقیق په پلمه ددولت ړنګول غواړي ؛ لومړي وزیر داروپایې هېوادونو دسفیرانو ته هم اخطار ورکړ چې که دخپلو حدودو نه یې تجاوز وکړ (ددولت ضد دخلکو راپاڅولو کې لاس لرل پرې ثابت شول) نو دهېواد نه به یې وباسي .
سره له دې چې دترکې د فوځ تاریخ داسلامپالو دځپلو او دملکې دولتونو پرضد دکودتاګانونه ډک دی خو داچې دطیب اردګان دواکمنۍ په تېرو ۱۱کلونو کې دفوځ اصلي څېره ترکانو ته راڅرګنده او حیثیت ته یې ډېر تاوان رسېدلی دی نو په اوسنۍ موضوع کې یې بې طرفي خپله کړیده خو احتمال لاهم موجود دی چې فوځ دمخالیفینو تله درنده کړي .
نو اوس معلومه نده چې دغربي نړۍ دحمایت نه دبرخمنو مخالفینو شوم غزایم به پوره کېږي او که طیب اردګان به ورته په ماتې ورکولو بریالی کېږي
د راکړل شوي خبر په اساس عسکر چې د هيواد په بيلابيلو ولاياتو کې يې دندي ترسره کولې نن ورځ د جلب او جذب کميسيون د دعوت او سيمه ییزو مجاهدينو د هڅو په برکت د اسلامي امارت له مخالفت نه په شا او مجاهدينو سره يو ځای شول.
په عسکرو کې شفيق د شيرمحمد زوی، وطن د ملنګ زوی، حسن ګل د محمد حسن زوی، رحمت الله د عبدالرحمن زوی، روزي خان د اکبرخان زوی، ګل نبي د سخي زوی، علي محمد د سيد رحيم زوی، حيات الله د حبيب الله زوی، محمد حسين د اول دين زوی، بلال د ببرک زوی، رحمت الله د سنګين زوی، هاشم د مرجان زوی، ايوب خان د عبدالروف زوی، ذاهدالله د محمداجان زوی، محمد هاشم د ولي محمد زوی او يوسف د جبارخان زوی شامل دي.
د ا.ا.ا د تعليم او تربيې عالي کميسيون بـــــرخه: مركي كـــتني: 35
د ميدان وردګ ولايت چې د افغانستان له مرکزي ولايتونو څخه شمېرل کېږي په خپل ټول تاريخ کې يو علمي ولايت دی چې د علم په دواړو (ديني او عصري) ډګرونوکې يې ښه نامتو او مشهور علماء او استادان درلودلې دي.
د دغه ولايت وګړي که څه هم په عمومي توګه ډير غريب او بې وزله دي ځکه چې کرهڼيزې ځمکې او باغداري يې د نفوس په پرتله ډيرې کمې دي او له دې کبله چې سرحدي ولايت نه دی تجارتي آسانتياوې او دخارجي راکړې ورکړې امکانات هم نلري او نور د معيشت اسباب يې هم ډير محدود دي تل د شاقّه او ستونزمنو کارونو له لارې خپلې د ژوند چارې پر مخ بيايي خو د دې ټولو مشکلاتو سره سره د علم، پوهې، تعليم او تربيې مينه وال دي چې د خپل ژوند په ډيرو سختو شرائطو کې يې هم د تعليم لاره نه ده پريښې اوزيار باسي تر څو خپل اولادونه تعليمي ادارو ته سوق کړي پلارونه يې که څه هم د اقتصادي مشکلاتو سره لاس او ګريوان وي خو اولادونو ته يې د تعليم او زده کړې فرصت برابر کړی وي تر څو په فارغ زړه خپله زده کړه وکړي .
له بلې خوا د ملک سياسي تحولات، د پرديو يرغلونه،او امنيتي ستونزې او مشکلات هم هغه څه دي چې په عمومي توګه يې د ملک ټول مادي او معنوي بنسټونه و نړول او په ځانګړي ډول يې د تعليم او تربيې بهير يا په ټپه ودراوه او يا يې د منحرف کېدلو کوښښونه وشول خو د ميدان وردګ په ولايت کې الحمدلله د ويښو او با احساسه علماء کرامو او مجاهدينو په مرسته او ابتکار ددې طوفان مخه تر ډيره حده ونيول شوه او دغوايي د کودتا او د روسانو د يرغل څخه وروسته يوازې دری کاله د تعليم او د تعلّم بهير په ټپه ودريد ځکه چې د جهاد په ابتداءکي سخت مشکلات وو وروسته په ۱۳۶۱ه ش کې دغه بهير په ډيرو ستونزمنو حالاتو کې په مخفي مرکزونو او دونو ترسيورو لاندې د درسونو، کليوالي مدرسو په بڼه شرو ع شو او د جهاد په کلونو کې په تدريجي ډول دغه بهير مدرسو، دينی ليليه مدرسو، دارالحفاظونو او ښونځيو (ابتدايه، متوسطه او ليسو) په سطح پر مخ ولاړ چې په دې کې دديني علماوو او مجاهدو مسلکی استادانو ونډه ډيره مهمه وه وروسته اګر چې تنظيمي جنګونه رامنځ ته شول خو تعليمي بهير خپل سير ته دوام ورکړ او له دغو بدبختيو څخه يې ځان ګوښه وساته.
تر دې چې اسلامی امارت په ملک کی حاکم شو اسلامی امارت چی پخپله يو علمی حرکت وو نو يی دتعليم او تعلم لپاره يوه دامن فضا رامنځ ته کړه ،شرائط يی برابر کړل، درسی مواد او امکانات يی د خپل وس په اندازه مهيا کړل ، په تعليمی ادارو کې نظم او دسپلين رامنځ ته شو د ښوونی او روزنی وزارت په چوکاټ کې ټول ديني او عصري تعليمات او پروګرامونه د اسلام د اصولو په رڼا کې منظم او توحيد شول نو د ميدان وردګ ولايت د تعليم او تعلم مينه والو اومسئولينو له دغه فرصت څخه ډيره ګټه پورته کړه نوې مدرسې او دارالحفاظونه جوړ او منظم شول ، ښوونځي فعال شول، زرګونو شاګردانو ته د زده کړې شرائط برابر شول او ورځ په ورځ دغه لړۍ د ارتقاء په لور روانه وه.
تر دې چې يو بل طوفان د غرب له خوا په ملک باندې را والوت او زمونږ اسلامي ملک دا ځل د غربي يرغلګرو په لاس اشغال شو خو دا ځل د اسلام هغه شعوري دښمنان (يهود او نصاریٰ) په ملک مسلط شول چې زړه يې غوښتل تر څو زمونږ د ملک او مسلمان ملت د ښوونې او روزنې ټول مادي او معنوي بنسټونه ونړوي او دغه د ملت بچيان او نوي ځوانان په تکتيکي ډول د ډيرو مزخرفو او غولوونکو تبليغاتو له لارې په عقيدوي او اخلاقي انحراف کې راګير کړي دوی ظاهراً په تبليغاتو کې د تعليم مسئلې ته د خپلو پروګرامونو په سر کې ځای ورکړ چې ګويا موږ وران ښوونځي ودانوو، تعليم عاموو ...او نورې اوتې بوتې ) خو په حقيقت کې دوی څه وکړل مونږ به يې د ميدان وردګ په ولايت کې هسې د نمونې په ډول د دوی د سوغات يادونه وکړو چې د دی ولايت مظلومو او علم پالونکو خلکو ته يی ورپه برخه کړ :
۱: په لس ګونه دينی ليليه مدرسې او ورسره دارالحفاظونه چې د ديني علومو او د قرآنکريم د حفظ لړۍ پکې جاري وه او په زرګونو طالبانو او شاګردانو پکې زده کړه کوله دغه ټولې په لومړي قدم کې د سقوط سره مخامخ شوې ځکه چې دغه ديني مدرسې او د حفظ مرکزونه خو د دوی د يرغل لومړنی هدف وو نو يې سم د لاسه په ځينو مدرسو کې چې دوی وړبللې دمسلمانانو د ځپلو لپاره د جنګ قرار ګاوې جوړې کړې ،ځينې نورې يې چور او چپاول کړې .يو شمير يې بمبارد کړې، ځېنې يې په ماينونو والوزولې او نورې يې د فعاليت او زده کړې له جريان څخه بندې شوې دا يې لومړی خدمت وو چې د وردګو او ميدان ولايت وګړی په ديني برخه کې ورڅخه برخمن شول .
۲: مسجدونه چې سربيره پر دې چې ديني مقدس او سپيڅلی د عبادت ځايونه دي زموږ د ملک د کليوالي ماشومانو لپاره د علم او زده کړې لومړنۍ مدرسې او مرکزونه هم دي دا هم د دوی له وحشت څخه په امن پاتې نه شول بلکې هغه يې هم تر تهديد لاندې ونيول يو شمېر يې بمبارد او تخريب کړل د نمونې په ډول يې يو څو مثالونه په لاندې توګه ذکر کولای شو:
١: د ميدان د مرکز د شهيدانو د بازار جامع مسجد۹نه کاله کېږي چې امنيتي پوسته پکې جوړه ده په بامونو يې دفاعي سنګرونه جوړ شوي دي د عبادت څخه بند دی.
٢:د کوته عشر و مسجد څو ځله بمبارد او په توپونو و ويشتل شو چې زياته برخه يې ورانه شوې ده .
٣: د تيبی دکلي مسجد له ۱۳۸۷کال څخه را په دې خوا په اصطلاح د ملي اردو قرارګاه پکې جوړه ده.
٤: د ملا سعيدالله دکلي مسجد دروازه دامريکايانو له خوا په بمونو والوزول شوه ملا امام يې چې سپين ږيری عالم وو دوه مياشتې بندي شو چې بيا د خلکو په هلو ځلو راخلاص شو .
۵: نرخ ولسوالی د الوخيلو مسجد د امريکايانو له خوا بمبارد شو مکمل وران شو او شپږ کسه مسلمانان پکې شهيدان شول
۶: د شمکانو مسجد دامريکايانو له خوا بمبارد او مکمل وران شو
۷: د اعتبارخيلو مسجد هم د روژې مبارکې په مياشت کې دامريکايانو له خوا په توپونو وويشتل شو او ډيره برخه يې ورانه شوه
۸: د سيداباد ولسوالي د کاريز، بهادرخيلو، چهاردهی، او مرو مسجدونه هم تخريب شول .
دغه څو موارد د نمونې په ډو ل ذکر شول او په دی ډول مظالم او وحشتناکه کړنې ډيرې دی چې د ټولو ذکر کول زمونږ په دغه ځای کې مطلوب نه دي خو د ميدان وردګ ولايت مسلمانانو ته په ښه ډول څرګندې دي .
۳:د عصري علومو ښوونځي چې دوی يې په تبليغاتو او مطبوعاتو حتیٰ پخپلو پاليسيو کې د خدمت او پرمختګ ټټر وهلی وو تر څو دنړۍ والو او د ولس د ځينو ځوانانو ذهنيتونه ځان ته راواړوی خو د ميدان وردګ په ولايت کې يې په هغو هم صرفه ونکړه او خپله وحشي څيره يې په دغه ډګر کې هم ښکاره کړه موږ يې د نمونې په ډول ځينې موارد ذکر کوو :
۱: د چک د ولسوالۍ د عمرفاروق د لېسې شاګردان د قرآنکريم د توهين پر ضد د مظاهرې په مهال تر بريد لاندې راغلل ۱۲معصوم شاګردان ټپيان او يو په شهادت ورسيد .
خوالحمدلله کله چی ددغو ددين ،علم ،او وطن ددښمنانو په مقابل کی سپيڅلی جهاد شروع شو او ددغه ولايت زياتره سيمی ددی وحشيانو له ناپاکه منګولو څخه پاکې شوي او داسلامی امارت په لاس فتحه شوی نو د اسلامی امارت د تعليم او تربيې کميسيون د دغو مفتوحه سيمو د مسلمانو وګړو لپاره د وخت او شرائطو سره سم د تعليمي آسانتياوو لپاره قدم پورته کړ او په دې اړه يې د خپلو تعليمي پاليسيو په رڼا کې مناسب او ضروري اقدامات ترسره کړل
او د ټولو تعليمي امورو د تعقيب او مراقبت لپاره د ولايت په سطح يو مسئول، ولايتي مرستيال او دهرې ولسوالۍ لپاره يو تعليمي مدير ټاکل شوی چې لاندې وظائف په منظم ډول تر سره کوي :
۱:عموماً چې د تعليم او تعلم لپاره يوه د امن او اطمنان فضا رامنځ ته شوه نو ټولې تعليمي ادارې يې تشويق کړي تر څو داسلامي اصولو په رڼا کې خپل تعليمي پروګرامونه طرح او په کار واچوي .
۲: د لومړنيو زده کړو لپاره زمونږ د پخواني دود سره سم ابتدائيه کليوالي مدرسې د کليو د امامانو او علم دوسته مسلمانانو په مرسته فعالې شوي چې په کليو کې ماشومانو ته د ليک او لوست څخه نيولي د فقه ضروري احکام، عقيدې، سيرت، ژبې او رياضي په شمول لازم مضامين او کتابونه ويل کېږي تر څودغه ماشومان له ليک او لوست سربيره دخپل دين، عقيدې او اسلامي اخلاقو سره بلد او آشنا شي چې دا يو شرعي امر او مسئوليت هم دی چې اوس مهال په دې چوکاټ کې مونږ په دغه ولايت کې (۱۰۴) بابه کليوالي مدرسې چې پکې (۴۸۵۲) شاګردان د (۱۵۶) استاذانو لخوا ورته تعليم کېږي موجودې دي .
۳: د ديني متوسطو او لوړو زده کړو لپاره هم د پخواني دود سره سم مدرسين او با استعداده علماء او استادان په خپلو کليواو امامتونو کې د منطقې طالبانو ته تدريس کوي چې د اعاشې او اباتې تکليف او مصرف يې د ولس د مسلمانو خلکو په غاړه وي چې په مجموع کې (۵۲۵۷) شاګردان د (۱۹۶) استادانو لخوا په زدکړه بوخت دی او د دغې لړۍ د ښه کيفيت لپاره ځېنې درسي اصول او مقررات وضع شوې دي تر څو د تعليم دغه بهير په ښه ډول او ښه کيفيت سره پر مخ ولاړشي لکه د هغوی د امتحانونو سلسله او ځېنې نور تعليمي او اخلاقي مقررات او هم د دغو ديني زده کړو د ښه کيفيت پخاطر د ټولو ديني مدارسو لپاره يو واحد تعليمي نصاب چې د ملک د جيدو علماوو لخوا له ابتدايې او متوسطې څخه نيولې او بيا تر يولسمې درجې پورې ترتيب شوې دي چې په تدريجي ډول د عملي کېدلو په حال کې دی.
۴: د دغه ديني درسونو په څنګ کې يو شمير د حفظ مرکزونه هم فعال شوې دي چې د ښو جيدو حفاظو او قاريانو لخوا ورته تعليم کېږي او د حفظ په څنګ کې ورته کافي ديني معلومات هم ور ښودل کېږي چې په دې لړ کې هم تر دې مهاله د (۲۲۲۷) په شا وخوا کې حافظان په حفظ اخته دي .
۵:دعصري زده کړو لپاره دپخوا په پرتله اوس شرائط برابر دي ښوونځي د ابتدايه څخه نيولې تر ليسو او مسلکي زده کړو تر ښوونځيو پوری فعال دي او د منطقې د مسلمانو مجاهدو او مسلکي استادانو لخوا ورته تعليم کيږي چې د سږ تعليمي کال راپور دا دی چې په ټولو مفتوحه سيموکې (۲۱۷) ښوونځي چې پکې (۱۰۰۰۷۰) شاګردانو ته (د۲۸۲۸) استادانو لخوا تعليم کېږي موجود دي. البته ددغو ښوونځيو د نظم او مراقبت لپاره يوه ځانګړې لائحه ترتيب شوې چې د هغو په رڼا کې يې نظارت کيږي چې ځينې مهمې نکتې يې دا دي:
۱:هر وخت يې د نصاب څارنه کېږي تر څو داسې مضامين چې عقيدوي او اخلاقي انحراف منځ ته راوړي په کې داخل نشي يا هم غير مفيد او عبث تفريحي مضامين چې د شاګردانو په اخلاقو منفي اثر غورزوی او له بلې خوا وخت ضائع کوی پکې تدريس نشي.
۲: ديني مضامين چې زمونږ داسلامي ټولنې بنيادي ضرورت دی کافي وخت ورته ورکو ل کېږي او د هغو د تدريس لپاره پوه او مستعد علماء ضروري بلل کېږي .
۳: د قرآنکريم په مضمون کې د قراءة او تجويد پوره اهتمام کېږي چې د مسلکي قاري لخواورته تعليم کېږي .
۴: تنظيمي او ګوندي فعاليتونه بند او ممنوع دي هيڅوک نشي کولای له تعليمي بهير څخه د يو ګوند په ګټه استفاده وکړي .
۵: وخت په وخت تعليمي سيمينارونه د مديرانو او استادانو په کچه جوړېږي چې په هغو کې د تعليمي نظام سربيره د عقيدې، اخلاقو او نورو ضروري موضوعاتو په اړه بحث کېږي .او نور دې ته ورته په ټولو درسي، اداري او هم د استادانو او شاګردانو او نور پرسونل په ديني او اخلاقي اړخونو پوره څارنه او مراقبت کېږي.
خلاصه دا چې: د ميدان وردګ په ولايت کې اوس د تعليم او تربيې بهير دتعليمي او جهادي مسئولينو، د منطقې د علماء کرامو، مخورو سپين ږيرو او عامه مسلمانانو په مرسته ښه روان دي په تعليمي چوکاټ کې اوس يوازنی مشکل او ستونزه زمونږ د خارجي يرغلګرو او ګوډاګي رژيم چاپي او امنيتي مشکلات دي چې تعليمي ادارو ته يې جوړوي چې د هغې له امله يوه تعليمي اداره يا تخريب يا بنده او تعطيل شي الله جل جلاله دې دغه د دين ، وطن او علم دښمنان په خپل لايزال قدرت سره محو او نابود کړي او زموږ دغه د جهاد او قربانيو هدف چې په دې ملک کې د يوه اسلامي نظام حاکميت او د دغه ملک مسلمانان د علم په رڼا منور کول دې تر لاسه شي
(د دی او د جهاد د ټولو ارمانونو د پوره کيدلو په هيله)
د کاپيسا ولايت په تګاب ولسوالۍ کې د پوليسو، کماندو او اشغالګرو عسکرو تر منځ رامنځته شوی مشکل لا هم نه دی حل شوی او سيمه بهرنيو عسکرو تر محاصرې لاندې نيولي.
بهرنيو عسکرو د داخلي عسکرو پوستې، د ولسوالۍ مرکز او امنيه قومنداني نيولې او شاوخوا سيمه يې کلابنده کړې ده.
د موثق راپور په اساس په ولسوالۍ، امنيه قومنداني او پوستو کې مېشت عسکر او پوليس زيات وژل شوي او ګڼ بهرني عسکرو بنديان کړي دي، په بنديانو کې د تګاب ولسوال او امنيه قومندان هم شامل دي.
دسوچي نوم به داولمپيک له کوربه توب سره دډيرو تر غوږ شوی وي، سوچي چي اوس مهال داولمپيک دلوبو کوربه دی، خودخپلو مسلمانانو لپاره کوربه پاته نه شو، بلکه اوس مهال اسلامي نړۍ دسوچي دمسلمانانو لپاره کوربنه ده.
سوچي چي اوس مهال دروسيې یوښار بلل کيږي او له توري بحيرې سره په غاړه پروت دی دتاریخ هغه توره ورځ لیدلي، چي په اسلامي تاریخ کي يې ددې سیمي نقش او نوم تت کړ.
له ۱۸۶۴ کال څخه وړاندي دسوچي شنه زرغونه سیمه داسلامي عثماني خلافت ترواک لاندی وه او په دې ځای کي مسلمان شرکس قبائل اوسیدل،هلته مسلمانانو داسلامي خلافت تر چتر لاندي دارام ژوند کاوو، ددې ځای پرېمانه اوبو، چینو، سمسورو باغونو او ونو دمسلمانانو ژوند ته نوره ارامتیا وربښلې وه، چي له ۱۸۶۴ کال وړاندي دروسي تزار پوځ دسوچي په مسلمانانو چي داسلامي خلافت په پلوي يې جګړه کوله، ورسره جګړه پيل کړه، چي په ۱۸۶۴ کال کي دتزاري عيسايي پوځ له لوري ددې ځای مسلمانان قتل عام کړای شول او داسلامي خلافت واک له دې ځایه ختم کړای شو، مسلمانان په ډیر بې دردي سره شهيدان کړای شول، څنګه چي سوچي دتوري بحيرې سره نږدې پروت دی، نو ډیر مسلمانان په دغه سمندر کي غرق کړای شول اونور يې په تېښته د قفقاز دنورو شمالي سیمو دخلکو په ګډون ترکيې، اردن، فلسطین او سوريې ته وتښتېدل، دسوچي دمسلمانانو عام وژنه په ۱۸ پيړۍ کي ترټولو بوږنونکې بلل شوي.
سوچي دمسلمانانو کوربه توب پرېښود، خونړۍ په ځانګړې توګه يې اسلامي هیوادونو کوربه توب ومانو،اوس مهال دسوچی نږدې ۵ ميلیونه مسلمانان په ترکيه کي اوسیږي او په زرګونو يې په سوریه، اردون، فلسطین او داسي نوروهيوادونو کي ژوند کوي.
له اسلامي خلافت سره دکفري نړۍ ددوام داره جګړو او دمسلمانانو له سره دکفري نړۍ له لوري داسلامي خلافت دسيوري دلري کولوله امله مسلمانان په دې ونه توانېدل، چي خپل انتقام بيرته واخلي اویالږترلږه بيرته دسوچي په ګډون هغه سيمي او خاوري ونيسي، چي دمسلمانانو دښمنانو ورڅخه نیولي دي او دالله تعالی په ځمکه دالله تعالی قانون نافذ کړي.
دسوچي مسلمانانو ددوی په خپل پلرني ټاټوبي کي داولمپيک له لوبو سره خپل کلک مخالفت وښود او خپله دروسيې په ګډون دنړۍ په ډيرو هیوادونو کي يې ددې لوبوپه خلاف مظاهرې وکړې.
خوبرعکس که کله دتاریخ په اوږدو کي په یهودانو، عيسایانو او بودایانو کوم زیاتی شوي وي، رسنۍ يې ورسره په یوه غږ دهغې ورځي لمانځنه کوي او په هغوی دتيري او زیاتي کيسه دتاريخ یوه افسانه وګرځوي.
داڅه بلکه دبشري حقونو کوم سازمان هم دسوچي له مسلمانانو سره خپله همغږي ونه ښودله اونه هم دنړۍ کوم هیواد له دې امله په دې ژمنیو اولمپيک لوبو کي برخه وانخيستله، چي ددې سيمي په مسلمانانو تیر شوی او یاددې ځمکي اصلي مالکان(مسلمانان) په خپله ځمکه کي ددې لوبو اجازه نه ورکوي.
خو ترهغوبه څوک دمسلمانانو دمظلومیت غږ وانوري او نه به ترهغو مسلمانان خپل پخواني برم ته وروګرځي، چي ترڅو يې په خپل منځ کي اتفاق او اتحاد نوي راوستلی او ترهغه به يې په خپل منځ کي اتفاق رانشي، چي ترڅو يې په خپلو هڅو اسلامي خلافت قائم کړی نه وي.
په خبر کې راغلي عسکر چې د يادي شوي ولسوالۍ د بيلابيلو کليو او سېدونکي دي تېره ورځ د جلب ا وجذب کميسيون د دعوت او سيمه ييزو مجاهدينو د هڅو په نتېجه کې يې د اسلامي امارت له مخالفت نه لاس واخيست.
په عسکرو کې اميرجنايي الله بردي د ملا دولت ګلدي زوی، عبدالرسول د رحمت الله زوی، حق محمد د الله نظر زوی د شورارق کلي اوسېدونکي، عابدنظر د اولياقل زوی، دين محمد د فيرنفس زوی، محمد جمعه د عبدالرحمن زوی، نوبت ګلدي د ولي نظر زوی د توقي کلي اوسېدونکي، عبدالرشيد د سيد قلي زوی، بيګ مراد د سفر زوی، سخي او الله بردو د آرون زامن د سلام فنجاه کلي اوسېدونکي، حليم د آقمراد زوی د پس ارق کلي اوسېدونکی او عبدالله د پنجي زوی د بوزآرق کلي اوسېدونکی شامل دي.
په خبر کې راغلي عسکر چې د يادي شوي ولسوالۍ د بيلابيلو کليو او سېدونکي دي تېره ورځ د جلب ا وجذب کميسيون د دعوت او سيمه ييزو مجاهدينو د هڅو په نتېجه کې يې د اسلامي امارت له مخالفت نه لاس واخيست.
په عسکرو کې اميرجنايي الله بردي د ملا دولت ګلدي زوی، عبدالرسول د رحمت الله زوی، حق محمد د الله نظر زوی د شورارق کلي اوسېدونکي، عابدنظر د اولياقل زوی، دين محمد د فيرنفس زوی، محمد جمعه د عبدالرحمن زوی، نوبت ګلدي د ولي نظر زوی د توقي کلي اوسېدونکي، عبدالرشيد د سيد قلي زوی، بيګ مراد د سفر زوی، سخي او الله بردو د آرون زامن د سلام فنجاه کلي اوسېدونکي، حليم د آقمراد زوی د پس ارق کلي اوسېدونکی او عبدالله د پنجي زوی د بوزآرق کلي اوسېدونکی شامل دي.
وایي یوه سړي به ویل چې زه ما فهم خورا سریع دی ،چې په هر شي ډیر زر پوهیږم او دستي مې سر ورباندې خلاصیږي ، چا ورته وویل مثلا څرنګه ستاسو عقل او فهم تیز دی ، تاسو یې یو مثال ووایاست !
د سریع فهم څښتن ځواب ورکړ ،چې آبله ورځ بازار ته تللی وم په بازار کې یوه سړي جغندر / لبلبو خرڅول ، څلور دانې جغندر مې ترې واخیستل او په خوړلو مې یې پيل وکړ ، دری مې خلاص کړل خو چې څلورم مې نیمایي ته ورساوو نو پوه شوم چې سړي خام جغندر راباندې خرڅ کړي ، چې خوند یې سم نه دی او باید لومړی مې پاخه کړي وای . . .
(په ٢٠١٣ کال کې د ټول ملکي تلفاتو ٧٤ سلنې لامل د دولت ضد عناصرو عمليات وو چې په ارادي ډول يې په ټول هيواد کې ملکيان هدف ګرځولي او انساني ژوند ته د پاملرني پرته يې بريدونه کړي . يوناما د ٦،٣٧٤ ملکي تلفات (٢،٣١١ملکيان وژل شوی او ٤،٠٦٣ ټپی شوي) د دولت ضد عناصرو ته منسوب کړي ، چې دا د٢٠١٢ کال پرتله ۲ سلنه ډير والی ښيي ).
خو د هغو ادارو او نهادونو چې ځان بې طرفه بولي د ټول دوښمنانه چلند سره سره چې د مجاهدينو په وړاندې يې ښودلى، په همدې راپور کې داسې څه مومو چې د افغان ملت په وړاندې د صليبي يرغلګر او ګوډاګي ځواک او حکومت خونړۍ څېره روښانه کوي، او دا راپه ګوته کوي، چې مکار دوښمن په ډېرې هوښيارتيا سره کوښښ کړى، چې د مجرم پر مخ نقاب راخپور او سپېڅلې څېرې مجرمې وښيي.
لومړى خو په افغانستان کې روان جهادي مقاومت او مقابل لورى يې په هغه تعريف نه شي پېژندل کېداى چې يوناما يې تعريفوي، نه خو په افغانستان کې کورنۍ جګړه روانه نه ده، او نه مجاهدين د کوم مشروع حکومت پر ضدجنګيږي، لکه څرنګه يې چې يوناما تعبيروي داسې نه ده چې د ملت له منځه راپورته شوي، په وسله سمبالې ډلې په بيلا بيلو مفکورو جګړه پر مخ بيايي، يا د واک او حکومت پر سر د کومې ځانګړې ډلې سره دوښمني لري، او يا يوازې او يوازې د ډار او وېرې د خپرولو هوډ لري.
دا چې د جهادي صف مقابل لورى يرغلګر ځواکونه د يو مشروع حکومت په توګه معرفي کوي، او بهرني اشغالګر د هغوى په خوښه او ملاتړ د جګړې لپاره افغانستان ته راغلي بولي، نو يوه داسې ادعا ده چې په هېڅ ډول نه شي توجېه کېداى، ځکه يرغلګرو ځواکونو د يو خپلواک او مشروع حکومت درلودونکي هيواد پر ضد جګړه پيل کړى، او د وولس پر ضد يې پر جنايت لاس پورى کړى، ځينې ګوډاګيان يې د خپلې ملګرتيا لپاره په دندو ګومارلي، او په ګډه سره خپل جنايت ته دوام ورکوي.
لومړى خو د دوښمن د بيلا بيلو ادراو تر منځ د ملکي تلفاتو د مسئوليت په اړه اختلاف موجود دى، د روانې ميلادي مياشتې په اتمه نېټه بهرنيو يرغلګرو (ايساف) په يوه اعلاميه کې (طالبان) د ملکي وګړو د نوي سلنې مسئول وبلل او ويې ويل (The Taliban are responsible for nearly 90 percent of all civilian casualties, according to ISAF statistics).
خو د ګوډاګۍ ادارې د کورنيو چارو وزارت بيا همدغه شمېره پنځه نوي سلنه وبلله او ويې ويل (بربنياد آمار های وزارت امور داخله، مخالفين مسلح دولت، عامل اصلی 95 درصد تلفات ملکی در کشور می باشند).
له پورته اختلاف څخه دوه ډوله فهمېداى شي، لومړى دا چې يا خو د دوښمن بيلا بيل اړخونه سره هېڅ تفاهم او همغږي نه لري او د روان جهادي بهر په وړاندې دومره سرسامه دي، چې حتى د يو بل څرګندونو ته د تصديق اوږه هم نه شي ورکولاى.
او يا دغه درې ډوله څرګندونې د يو پلان حصه ده، چې دوښمن وښيي يوناما په خپل کار کې له خورا احتياط څخه کار اخلي، په داسې حال کې چې د (افغانستان دولت) يې شمېره پنځه نوي سلنه ښيي، يوناما دغه شمېره څلور اويا سلنه ښودلې ده، خو په دې دواړو حالاتو د دوښمن ضد او نقيض څرګندونې د مجاهدينو موقف لا تقويه، او هغوى ته برات ورکوي.
ملکيان څوک دي؟
د لمر په څېر روښانه ده، چې په افغانستان کې روان تاو تريخوالى د دې هيواد پر حريم د ناروا تيري پايلي دي، نه د هغوى په ګومان د (شورش، تروريزم، ترهګرۍ، او بغاوت)، خو په دې جګړه کې ملکي څوک دى، او د چا لخوا ورته تر ټولو زيات زيان رسېدلى؟ هغه پوښتنه ده چې (موږ) او (زموږ دوښمن) ورته جلا جلا تعريفونه لري.
خوش آمديد ميهمان
عضو شوید
عضویت سریع
آمار
وب سایت:
آمار مطالب
آمار بازدید
